Խնդրում ենք սպասել...
Այսօր`  շաբաթ, 26 մայիսի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Հոդվածներ

ԵՐԴԻՑ ԸՆԿՆԻ ԵՐԵՔ ԽՆՁՈՐ /չափածո/

Aram Hovhannisyan
Հեղինակ`
Aram Hovhannisyan
08:33, հինգշաբթի, 18 հունվարի, 2018 թ.
ԵՐԴԻՑ ԸՆԿՆԻ ԵՐԵՔ ԽՆՁՈՐ /չափածո/

Փայտիկն առնեմ կախարդական.

Ուրիշ հնար մի՞թե ունեմ,

Եվ մեկ առ մեկ ու անշտապ

Փափագածս կյանքի կոչեմ:

Նախ` հստակեմ եզերքը այն,

Որ ի վերուստ բաժինն էր մեր,

Սահմանադիր քարերն ընկած

Դեմն արևի նորեն պարզեմ:

Ապա` շնչից, բառից օտար

Մի հարվածով օդն ազատեմ…

Բնավայրերը կորուսյալ

Անուններով նախնյաց օծեմ:

Կարգի բերեմ մեր Տունը մեծ,

Օրոցքները թող գնան-գան,

Հնձվորները սարի լանջին

Շապիկները արևին տան:

Շեները` շեն, ճամփան` բանուկ,

Խորաններում խունկ ու կնդրուկ,

Այգիներում ջրի խոխոջ,

Դեզերի մեջ` սեր, փսփսուք:

Լավաշը թարմ` բույրը սփռի,

Թոնիրներից ելնի մշուշ,

Ծիծառները ծափեն օդում,

Երդից ընկնի երեք խնձոր:

Մեկն ասողին, մեկն լսողին,

Երրորդը Ցավը բուժողին,

Նրան, ով կամք ունի, կորով,

Չի գոհանա անրջելով:
    
     ՀԱՆԳՐՎԱՆ շարքից

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
2249 | 0 | 0
loading...
Facebook
Մամուլի խոսնակ