Խնդրում ենք սպասել...
Այսօր`  երկուշաբթի, 19 փետրվարի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Հոդվածներ

ՄԱՔՐԱԳՈՐԾՈՒՄԻ ԺԱՄ /չափածո/

Aram Hovhannisyan
Հեղինակ`
Aram Hovhannisyan
09:17, երկուշաբթի, 15 հունվարի, 2018 թ.
ՄԱՔՐԱԳՈՐԾՈՒՄԻ ԺԱՄ /չափածո/

Մթագնեց օրը.

Անձրև պիտ տեղա,

Մոլեգնած քամին թուղթ է թռցնում,

Ցավից ճչում են ճկված ծառերը,

Ձեղունի ներքո ահուդողի մեջ

Ծիծառը լուռ է,

Ծերունին ճիգով դարպասն է կողպում,

Անձրևանոցը քամուն դեմ արած

Տիկին է գնում,

Մի կատու կտրեց փողոցը վազքով,

Փեղկեր զարկվեցին,

Ապակին խշրեց,

Պարանից պոկված ճերմակ սավանը

Փաթաթվել բարդուն,

Պոկ գալ չի ուզում:

Էլի մի վայրկյան,

Եվ կաթիլն առաջին

Իջնում է հողին,

Հաջորդ կաթիլը`

Ասֆալտին դեռ տաք,

Թոշնած խոտերին,

Կտուրներին բարկ,

Ներկած կոպերին պորտբաց օրիորդի.

Անձրև է վարար:

Ջրհորդաններում աղմկող ջուրը

Փրփուր է կապել,

Փողոցներն ի վար առու է, հեղեղ,

Տեղատարափ է,

Մաքրագործումի ժամ...

- Ինձ մոտ անդորր է:
    
     ՀԱՆԳՐՎԱՆ շարքից

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
1792 | 0 | 0
|
Հավանե՛ք և բաժանորդագրվե՛ք
Facebook
ВКонтакте
Մամուլի խոսնակ