Խնդրում ենք սպասել...

Հոդվածներ

ԱՐԱՐՈՒՄ /չափածո/

Aram Hovhannisyan
Հեղինակ`
Aram Hovhannisyan
10:02, չորեքշաբթի, 03 հունվարի, 2018 թ.
ԱՐԱՐՈՒՄ /չափածո/

Բառերը միջուկ ունեն,

Ունեն նրանք շապիկ,

Որպեսզի սաղմին հասնես,

Սերմիր այն հատիկ-հատիկ:
    
    

Շաղ տուր դու նրանց հողին,

Թող վրան անձրև տեղա,

Արևը շողերը փռի,

Տաքը հունդերին տա:
    
    

Ցերեկը գիշեր դառնա,

Երկուսը միասին` օր,

Լինի լուսինը վկա,

Բառի ծնունդին նոր:
    
    

Մայրացող հողում ծիլը

Թող որոշ դարձյալ մնա,

Որպեսզի պատեհ պահին,

Երբ կանչեն, արձագանք տա:
    
    

Գուղձերը մի կողմ հրի,

Տեղ բացի ձեռաց համար,

Կախվի մահիկից կեռ,

Ուժ տա թևքերին բարակ:
    
    

Իսկ հենց օրն աչքը բացի,

Արեգն ընկնի ճամփա,

Բռնվի արդեն շողքից,

Եվ ելնի հողից կամաց:
    
    

Եվ ելնեն հերթով, հուշիկ,

Շարվեն մեկմեկու դիմաց,

Թիկունքով իրար, մոտիկ,

Հագած հանդերձներ կանաչ...
    
    

Գորգն այս ո՞ւմ կամքով հյուսվեց,

Սերմին ո՞վ ընծայեց կյանք,

Որպեսզի Էությունը տեսնենք,

Իմաստին հասու դառնանք:
    
     ՀԱՆԳՐՎԱՆ շարքից

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
11829 | 0 | 0
Facebook