Մինչ սպառողական վարկի մասին խոսելը, նախ փորձենք հասկանալ, թե ինչ է վարկն ըդհանրապես և ինչպիսի հիմնական նախապայամններ ունի։
Այսպիսով՝ Ի՞նչ է վարկը
Վարկը պայմանավորվածություն է հաճախորդի և վարկային կազմակերպության միջև այն մասին, որ հաճախորդը պարտքով ստանում է գումար և խոստանում այն վերադարձնել պայմանավորված ժամկետում, դրա հետ մեկտեղ վճարելով նաև տոկոսագումարները:
Այս պայմանավորվածության համաձայն կնքվում է վարկային պայմանագիր հաճախորդի և վարկային կազմակերպության միջև, որում նշվում է տոկոսագումարը, ժամկետը և մարման գրաֆիկը, ըստ որի անհրաժեշտ է մարել վարկը:
Սովորաբար մարման գրաֆիկը հնարավորություն է տալիս մարման ժամկետի ընթացքում մարելու և՛ մայրգումարը, և՛տոկոսագումարը: Կան ֆինանսական կազամկերպություններ, ովքեր սպառողական վարկեր տրամադրելիս գանձում են նաև ամսական սպասարկման վճար տոկոսի տեսքով:
Վարկային պայմանագրում պարտադիր նշվում են նաև վարկի տրամադրման պայմանները և լրացուցիչհանգամանքներ: Եթե առկա է գրավ, ապա գրավի առական, հատկանիշները և գնահատված գումարը:
Վարկերի օգտագործման նպատակները
Վարկի օգտագործման նպատակները բազմազան են, ըստ որի նաև տրամադրվող վարակատեսակները: Վարկային կազմակերպություններն առաջարկում են վարկեր և՛ֆիզիկական և՛իրավաբանական անձանց համար: Ֆիզիկական անձանց համար տրամադրվող վարկերը կոչվում են սպառողական վարկեր:
Սպառողական վարկերի նպատակներն ու հիմնական տեսակները
Սպառողական վարկերի նպատակն է օգնել ֆիզիկական անձ սպառողին ապրանքներ ձեռք բերելու կամ այլ ծախսեր հոգալու համար: Սպառողական վարկերը տրամադրվում են միայն ՀՀ դրամով:
Սպառողական վարկերն իրենց հերթին լինում են`
1. Լոմբարդային վարկեր. Արագ, իրացվելի գրավի դիմաց (ոսկու, թանկարժեք մետաղներից կամ քարերից պատրաստված զարդերի, ավտոմեքենաների, դրամական միջոցների և այլն) որոշակի անձնական նպատակների համար ֆիզիկական անձանց տրամադրվող սպառողական վարկերեն:
2. Ավտովարկեր. Տրամադրվում է ավտոմեքենա ձեռք բերելու նպատակով
3. Ուսումնական վարկեր. Տրամադրվում են ֆիզիկական անձանց` կրթական ծախսերը հոգալու նպատակով:
4. Վարկային գծեր. ընթացիկ ծախսերի իրականացման համար, որպես կանոն վարկային քարտերի միջոցով տրամադրվող վարկեր են:
5. Ապառիկ. Հնարավորություն է տալիս սպառողներին ձեռք բերել հիմնականում տեխնիկա կամ այլ սարքավորումներ:
Ըստ ժամկետայնության` սպառողական վարկերը լինում են.
• Կարճաժամկետ` մինչեւ 1 տարի մարման ժամկետով,
• Միջնաժամկետ` 1-ից 3 տարի մարման ժամկետով,
• Երկարաժամկետ` 3 տարի և ավել մարման ժամկետով:
Ամբողջությամբ՝ https://goo.gl/nr6kyx