Խնդրում ենք սպասել...
Այսօր`  շաբաթ, 24 փետրվարի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%
Kentron (desktop)

Հոդվածներ

Անհանգիստ մարդ արարած

11:05, կիրակի, 10 դեկտեմբերի, 2017 թ.
Անհանգիստ մարդ արարած

Երբ հա՛րց են տալիս, որ չպետք է տալ -

Մարդ կատաղում է

(Այստեղ տեղին չէ բառը

«Բարկանալ»):


    

Երբ պա՛րտք են տալիս

Ու թո՜ւղթ պահանջում այդ պարտքի դիմաց-

Մարդ փոքրանում է՝

Դառնում ձվի չափ…


    

Երբ հո՜ւյս են տալիս ու կարեկցում են

Միաժամանակ-

Մարդ հուսալքվո՜ւմ է՝

Դառնում անհավատ…


    

Երբ խոսում են քեզ հետ, բայց լռել է հարկավոր,

Քեզ թվում է հանդիպել ես

Մի աղետի ահավոր:


    

Երբ լռո՜ւմ են, չե՛ն խոսում, բայց խոսե՛լն է կարևոր-

Չես հասկանում ի՞նչ ես ուզում

Այս աշխարհից մեղավոր:


    

Պահմտոցի ես խաղում

Ցավի՜դ, կամքի՜դ, հույսիդ հետ,

Թաքնվելու տե՛ղ ես փնտրում՝

Տուն տանող մի արահետ:


    

Գտնո՜ւմ ես,

Մա՛րդ արարած…

Մտնո՜ւմ ես՝

Հանգիստդ առնում վերջապես,

Երբ, որ մայրդ է խոսում հուզված,

Կամ լռո՜ւմ է Աստծո պես …

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
4586 | 0 | 0
|
Հավանե՛ք և բաժանորդագրվե՛ք
Facebook
ВКонтакте
Մամուլի խոսնակ
Քսակ > Կուտակիր՝ ծախսելով