Լրացավ Ամստերդամի Սուրբ Հոգի եկեղեցու 303-րդ տարեդարձը: Տոնական պատարագը հանդիսապետեց Ռումինիայի Հայոց թեմի առաջնորդ Գերաշնորհ Տեր Տաթև եպիսկոպոս Մուրադյանը։ Հընթացս պատարագի կատարվեց նաև երկու Սրբապատկերների օրհնության և օծման կարգ։
Պատարագի ավարտից հետո Դիդո հանդիսությունների սրահում բաժանվեց օրհնված մատաղը։ Ցերեկույթի ընթացքում ելույթ ունեցան «Սբ. Գրիգոր Նարեկացի» կիրակնօրյա դպրոցի սաները, ասմունքով և երգով հանդես եկան դպրոցի ուսուցիչները, ելույթ ունեցան նաև «Անի» պարային համույթը սաները։