Խնդրում ենք սպասել...
Այսօր`  երեքշաբթի, 12 դեկտեմբերի, 2017 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
9.00%

Հոդվածներ

Քննարկվեցին համագործակցության շրջանակում իրականացվող ծրագրին առնչվող հարցեր

11:08, հինգշաբթի, 30 նոյեմբերի, 2017 թ.
Քննարկվեցին համագործակցության շրջանակում իրականացվող ծրագրին առնչվող հարցեր

Նոյեմբերի 29-ին Արդարադատության ակադեմիա այցելեցին ՄԱԿ Փախստականների հարցերով գերագույն հանձնակատարի (ՓԳՀ) հայաստանյան գրասենյակի ներկայացուցիչները:
    
    

Ակադեմիայի հեռաուսուցման և տեղեկատվական տեխնոլոգիաների դեպարտամենտի ղեկավար Արտաշես Խուրշուդյանը հյուրերին ներկայացրեց համագործակցության շրջանակներում իրականացված աշխատանքն ու առաջիկա անելիքները: Մասնավորապես՝ հաջողությամբ ավարտվում է «Փախստականների իրավունք» հեռաուսուցման դասընթացի շրջանակում նախատեսված 2017 թվականի վերապատրաստումը, որին մասնակցում է 38 ունկնդիր՝ 32 դատավոր և 6 դատախազ: Արտաշես Խուրշուդյանը նշեց, որ վերապատրաստման դասընթացի ավարտին կամփոփվեն արդյունքները և կներկայացվեն գործընկեր կառույցին՝ ՄԱԿ ՓԳՀ հայաստանյան գրասենյակին, որի հետ համագործակցության արդյունքում է ստեղծվել հիշյալ դասընթացը: Ավելին՝ նախատեսվում է նաև կազմակերպել հանդիպում, որին կմասնակցեն վերապատրաստում անցած ունկնդիրները և դասընթացը մշակած փորձագետներն ու դասախոսները՝ քննարկելու թեմային առնչվող հարցեր:
    
    

Հանդիպման ընթացքում քննարկվեցին նաև հարցեր մշակման փուլում գտնվող հեռաուսուցման ևս մի նոր դասընթացի վերաբերյալ, այն է՝ «Փախստականների իրավունք քրեական մասնագիտացմամբ դատավորների և դատախազների համար»: Այն առաջիկայում պատրաստ կլինի և կներդրվի 2018 թվականի սեպտեմբերին: Արտաշես Խուրշուդյանն իր խոսքում հատուկ շեշտեց՝ որ Ակադեմիան մեծապես հետաքրքրված է, որ մշակվող յուրաքանչյուր դասընթաց մաքսիմալ հետաքրքիր և արդյունավետ լինի վերապատրաստվողների համար:
    
    

ՄԱԿ ՓԳՀ հայաստանյան գրասենյակի ներկայացուցիչները նշեցին, որ իրենք հետևողական են իրականացվող ծրագրի ընթացքին, արդյունքներին և պատրաստ են աջակցել դրա լավագույն ու արդյունավետ իրագործմանը:

Աղբյուրը` www.justiceacademy.am
Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
232 | 0 | 0
|
Հավանե՛ք և բաժանորդագրվե՛ք
Facebook
ВКонтакте
Մամուլի խոսնակ