Խնդրում ենք սպասել...

Հոդվածներ

ԴԱՎԻԹ ՄՇԵՑԻ

Armenak Avetisyan
Հեղինակ`
Armenak Avetisyan
14:47, չորեքշաբթի, 22 նոյեմբերի, 2017 թ.
ԴԱՎԻԹ ՄՇԵՑԻ

Ձմռանն ընդառաջ
     __________________

Ճերմակ հողաթումբ

Շուտով կլռեն աղմուկ ու սուլոց՝
     Մեղեդին աշնան կլռի շուտով,
     Եվ կտարածի մի հսկա ծածկոց՝
     Աշխարհի վրա՝ ձմեռը շուքով…

Կթաղվի հսկա մի խայտանկար
     Գույնի, երանգի, շշուկի բախման,
     Կծալի ծունկը արևը տկար
     Եվ կքրքջա պաղ ծեսը թաղման:

Ոռնոցը կգա սովահար գայլի՝
     Հովիվը տխուր կիջնի սարերից,
     Եվ դայլայլոցը վարպետ սոխակի՝
     Կդառնա գարնան հեռավոր թախիծ…

Դատարկ փողոցում՝ ձյունի մեջ կորած,
     Կլսվի ձայնը կոտրվող սառցի,
     Մեկը կքայլի՝ ամեն բան թողած.
     Չի լինի մեկը՝ հետևից թախծի…

Իսկ համատարած Սառցե Աշխարհում
     Ի՞նչը կմեղմի ցավը պոետի,
     Եթե ոչ գինին՝ ծխոտ պանդոկում,
     Որտեղ չեն ծաղրում տեսակը խենթի…

Եվ չվայելած արբունքի գինին՝
     Կենաստու Լույսի շողերին անհուպ,
     Կփլվի ջահել պոետի ուղին՝
     Կդառնա մի Տաք՝ ճերմակ հողաթումբ…
     Դավիթ Մշեցի

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
1
Չհավանել
0
5094 | 0 | 0
Facebook