«Ոսկե աշուն» խորագիրն էր կրում մեր դպրոցի կրտսեր դասարանների կազմակերպած հերթական միջոցառումը: Դաստիարակչական աշխատանքների կազմակերպիչ Լ. Ասատրյանը լավագույնս էր կազմակերպել ամեն ինչ՝ ջանք ու եռանդ չխնայելով. զարդարված դահլիճ, օրվա խորհրդին բնորոշ սեղան՝ համադամ անուշահամ մրգերով, խորհրդանշական ղափամայով, իսկ մասնակից-աշակերտների խոսքերը, երգն ու պարը կատարյալ դարձրին ամեն ինչ: Իսկապես դահլիճը լցվել էր աշնանային ներկապնակով: Միջոցառումը հագեցած էր, նպատակային: