Այլ խոսքերով, մարդուն երջանկացնել նշանակում է թույլ տալ նրան ամբողջ կյանքում զբաղվել սիրած գործով և հաճույք ստանալ իր մասնագիտական գործունեությունից:
Կապանի N13 հիմնական դպրոցի IX դասարանում կայացավ «Մասնագիտական կողմնորոշում» թեմայով դասընթաց: /Դասընթացավար ՄԿԱ գծով փոխտնօրեն Ժաննա Վարդանյան/
Թեմա. Կյանքի ուղղու և մասնագիտական ընտրության հարցում դպրոցականներին օգնելու տարբեր ռազմավարությունները /մոտեցումները/:
Դասընթացի նպատակն է՝ աշակերտներին ծանոթացնել մասնագիտական կողմնորոշման համակարգի հետ, ինչպես նաև սովորեցնել նրանց կիրառել հատուկ մեթոդներ և մեթոդիկաներ մասնագիտական կողմնորոշումը բացահայտելու և ուղղորդելու համար:
Մասնագիտության ընտրության շեմին կանգնած մարդիկ տարբերվում են շրջաատող աշխարհի պահանջներին համապատասխան իրենց հնարավորությունները գնահատելու և իրենց ճանաչելու ձգտմամբ: Մասնագիտական ինքնագիտակցության զարգացման հարցում առավել զգայունակ են հատկապես ավագ դպրոցականները:
Կրթության արդյունքները
Դասընթացի հաջող ավարտին աշակերտը
1/ կիմանա մասնագիտական կողմնորոշման համակարգի առանձնահատկությունները, աշխատանքի կազմակերման տարբեր մոտեցումները
2/կունենա մասնագիտական կողմնորոշիչ խորհրդատվություն
3/կկարողանա տեսականորեն և գործնականորեն լուծել մասնագիտական ինքնորոշման ու կողմնորոշման խնդրահարույց իրավիճակները, խնդիրները, ինչպես նաև տարբեր խաղային, քարտային, թեստային ձևավորող և զարգացնող մասնագիտական կողմնորոշիչ մեթոդիկաներ խմբային կամ դասարանական աշխատանքներում:
Կարծում եմ, որ ակտիվացնող մեթոդիկաների հետ ընդհանուր ծանոթացումը, դրանց հանդեպ որոշակի հուզական և մասնագիտական-անձնական վերաբերմունքի ձևավորումը աշակերտներին թույլ կտա «կողմնորոշվել» մասնագիտության ընտրության հարցում:
17.11.2017թ
ՄԿԱ գծով փոխտնօրեն Ժաննա Վարդանյան
