Խնդրում ենք սպասել...
Այսօր`  շաբաթ, 18 նոյեմբերի, 2017 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
9.00%

Հոդվածներ

ԱՇՈՏ ԱՎԴԱԼՅԱՆ

Armenak Avetisyan
Հեղինակ`
Armenak Avetisyan
21:54, երեքշաբթի, 07 նոյեմբերի, 2017 թ.
ԱՇՈՏ ԱՎԴԱԼՅԱՆ
    
    

* * *
     Ախ, նվիրակա՞ն ասեմ, թե՞ ըղձյալ
     այս լույսը, որը բացվում է դանդաղ
     և հաջորդ պահին
     արդեն ամենքի կյանքով է լեցուն:
     Ախ, նվիրակա՞ն ասեմ, թե՞ ըղձյալ
     այս օրը, որը բարձրացավ խաղաղ՝
     կես ճանապարհին հայցելով երգեր:
     Մտավախությամբ ընդունում եմ քեզ
     ու գորովանքով պարում եմ շուրջդ,
     թող որ ձայները ընթանան երթով
     և լռությանը ձայնարկու դառնան,
     ու հնարավոր զարդերով փայլեն,
     ու հնարավոր պատկերով զուգված
     նորը կըրկընեն:
     Ախ, ի՞նչ եմ կանգնել պաղ նվիրումով
     ու պաղ հայացքով ընթերցում եմ ինձ,
     կարծելով՝ նորը հարթ է ու գերող
     ու ձայնարկու չէ կախվող տողերին:
     Հրաժեշտի եմ կանգած այս պահին
     և նվիրումով կյանքն եմ ընթերցում
     ծալ-ծալ դաշտերի,
     կարծելով՝ օրը թե մի պահ սահի,
     խոնջանք է տալու
     ու հրապույրը բացելուց առաջ
     տանելու է վեր,
     որ մոռացումի զուգերգը հուշի
     և կյանքը, իբրև նվիրումի դուռ
     կարմիրով ներկի:
     Ախ, նվիրակա՞ն ասեմ, թե՞ ըղձյալ…
     Այդ դու ես, որը պիտի ինձ հարցնի.
     -Տե՞ր ես, որդյակ իմ, գալիք օրերին:

ԱՇՈՏ ԱՎԴԱԼՅԱՆ

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
1
Չհավանել
0
3037 | 0 | 0
|
Հավանե՛ք և բաժանորդագրվե՛ք
Facebook
ВКонтакте
Մամուլի խոսնակ