Խնդրում ենք սպասել...
Այսօր`  կիրակի, 19 նոյեմբերի, 2017 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
9.00%

Հոդվածներ

Տարոն Մարգարյան. «Խստորեն հետևեք, որ հատկապես գլխավոր փողոցներում չորացած ծառերի հատման արդյունքում դատարկ մնացած բնաբաժակներում անպայման նոր ծառեր տնկվեն»

18:46, երկուշաբթի, 06 նոյեմբերի, 2017 թ.
Տարոն Մարգարյան. «Խստորեն հետևեք, որ հատկապես գլխավոր փողոցներում չորացած ծառերի հատման արդյունքում դատարկ մնացած բնաբաժակներում անպայման նոր ծառեր տնկվեն»

Երևանի քաղաքապետարանում կայացած աշխատանքային խորհրդակցության ժամանակ, որը վարել է քաղաքապետ Տարոն Մարգարյանը, զեկուցվել է, որ մայրաքաղաքի ընդհանուր օգտագործման կանաչ տարածքներում շարունակվում են ծառերի և թփերի խնամքի, ծառերի չորացած ճյուղերի աշնանային էտի աշխատանքները։

Զեկուցվել է նաև, որ զուգահեռաբար շարունակվում են նոյեմբերի 11-ին հայտարարված համաքաղաքային ծառատունկի և շաբաթօրյակի կազմակերպման ու անցկացման նախապատրաստական աշխատանքները: Մասնավորապես նշվել է, որ համաքաղաքային առաջիկա ծառատունկի կազմակերպման նպատակով արդեն իսկ ձեռք են բերվել տնկիներ, գույքագրվել են բոլոր այն տարածքները, որտեղ իրականացվելու է ծառատունկը: Քաղաքապետ Տարոն Մարգարյանը մեկ անգամ ևս շեշտել է ծառատունկը բացառապես ոռոգելի տարածքներում իրականացնելու անհրաժեշտության մասին:

«Հատուկ ուշադրություն դարձրեք, որ ծառատունկն իրականացվի բացառապես ոռոգելի տարածքներում, որպեսզի հետագայում ապահովվի նաև տնկված ծառերի պատշաճ խնամքը: Բացի այդ, խստորեն հետևեք, որ հատկապես գլխավոր փողոցներում չորացած ծառերի հատման արդյունքում դատարկ մնացած բնաբաժակներում անպայման նոր ծառեր տնկվեն: Ընդ որում, առաջարկում եմ տնկել ոչ թե բարակ շիվեր, այլ ավելի հասուն տնկիներ: Սրա հետ մեկտեղ նաև քայլեր ձեռնարկեք տնկված ծառերի պահպանման ու պատշաճ խնամքի ապահովման ուղղությամբ: Ինձ համար անընդունելի է, երբ հատկապես գլխավոր փողոցներում ծառը տնկվում է ու որևէ խնամք չի ապահովվում: Մինչդեռ ամբողջ աշխարհում ծառերի հանդեպ ցուցաբերվում է հատուկ վերաբերմունք՝ սկսած տվյալ ծառերի ամրացման նպատակով դրանց շուրջ փայտե հենակներ տեղադրելուց մինչև հետևողական խնամք: Հստակ քայլեր ձեռնարկե՛ք այս մշակույթը մեր քաղաքում ևս ներդնելու ուղղությամբ», - ընդգծել է քաղաքապետ Տարոն Մարգարյանը՝ դիմելով բնապահպանության վարչությանը:
     Համաքաղաքային առաջիկա ծառատունկի և շաբաթօրյակի հետ կապված Երևանի քաղաքապետը հանձնարարել է իրազեկել նաև պետական և մասնավոր կառույցներին՝ նրանց ևս ներգրավելով այս աշխատանքներում: Բացի այդ, պատասխանատուներին հանձնարարվել է նախապատրաստել համապատասխան գործիքներ և պարագաներ՝ մասնակիցներին լիարժեք կերպով ապահովելու նպատակով:

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
327 | 0 | 0
|
Հավանե՛ք և բաժանորդագրվե՛ք
Facebook
ВКонтакте
Մամուլի խոսնակ