Խնդրում ենք սպասել...
COMMENT.am
Այսօր`  չորեքշաբթի, 26 սեպտեմբերի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%
ԱՐՑԱԽ.news ԼՐԱՏՎԱԿԱՆ

Հոդվածներ

Աշունը չորացած տերև չէ…

18:02, ուրբաթ, 20 հոկտեմբերի, 2017 թ.
Աշունը չորացած տերև չէ…


    
    
    
    
    
    
    
    
    
    
    
    
    
    
     ԱՌԱՋԻՆ
ԱՇՆԱՆԱՅԻՆ ՑՐՏԵՐԻ ՀԵՏ ԿՅԱՆՔԸ ԿՍԿՍԻ ՆՈՐԻՑ


     ՖՐԵՆՍԻՍ
ՍՔՈԹ ՖԻՑՋԵՐԱԼԴ
    
    
Աշուն է .շատերի համար եկել է երկար սպասված ժամանակը սոցկայքերում աշնան մասին բանաստեղծություններ ու աշունացող բնությունից նկարներ տեղադրելու համար: Բնականաբար, փոխվում է նաև էջի գլխավոր նկարը՝ հաստ ժակետով, թեյով ու գրքով նկար է պետք: Սովորաբար այդ նկարներում բաժակը լինում է դատարկ, քանի որ այն պետք է միայն թեյի տեսք ունենա, խմելու կարիք չկա:) դե իսկ նկարի գիրքը շատերի համար առաջին պատահած գիրքն է լինում, իսկ ավելի ճիշտ այն գիրքը, որը ունենում է առավել գեղեցիկ ու աշունոտ կազմ: Ու մնաց վերջին քայլը ՝ սոցկայքում նշելը, որ դու լսում ես Ռ.Հախվերդյանի «Մեր սիրո աշունը» երգը: Վերջ, ամեն ինչ արված է:

Իմ աշունն այսպիսին չէ, բայց ես սիրում եմ և այս ու այն ամենը ինչ կապված աշնան հետ: Երբեք չեմ հասկացել այն մարդկանց, ովքեր ասում են, որ աշունը ռոմանտիկների եղանակն է ու հպարտորեն ավելացնում, որ իրենք աշունը չեն սիրում, ռոմանտիկ չեն…: Մի կողմ դնենք, որ ռոմանտիկ լինելը իրենց պատկերացրած սարսափելի հատկանիշը չէ, բայց մյուս կողմից միանշանակ չէ, որ աշունը սիրող բոլոր մարդիկ խիստ ռոմանտիկներ են: Կարծում եմ այդպես մտածողները պարզապես լսել են այն գիտական նյութի միայն առաջին մասը, ըստ որի աշնանը մարդիկ դառնում են առավել զգացմունքային, բայց ոչ միայն աշունը սիրողները, այլ ԲՈԼՈՐԸ:)

Մենք գրքեր ենք կարդում, դասընթացների մասնակցում, որոնք մեզ սովորեցնում են ինչ-որ օրենքներ, մեխանիզմներ երջանիկ, հաջողակ լինելու համար: Սակայն իրականում այդ ամենը մեզ տրվում է ավելի պարզ տեսքով . պետք է պարզապես վերցնել: Բնության մեջ կատարվող ցանկացած երևույթ մարդկանց ինչ-որ բան ունի սովորեցնելու: Աշնանը քամին ծառերից պոկում է չորացած տերևները ու քշում ծառից հեռու՜, փոխարենը որոշ ժամանակ անց ծառը ունենում նոր տերևներ ՝ կանա՜չ, կյանքով լի: Այդպես էլ պետք է թույլ տանք աշնան քամին անցնի նաև մեր զգացմունքների կողքով ՝պոկելով այնտեղ եղած չորացած զգացմունքները, որոնք մեզ այլևս պետք չեն ՝դրանց փոխարեն մենք ունենալու ենք նորերը ՝ կանաչ, կյանքով լի: Պետք է թույլ տանք, որ աշնան քամու հետ գնան այն մարդիկ, ովքեր մեր կողքին են դողացող տերևի նման ու միևնույն է մի օր գնալու են.թող գնան հիմա այս թեթև, աշնանային քամուց և ոչ թե անսպասելի փոթորկի պահին նկատենք, որ մենակ ենք մնացել, որ նրանք գնացել են վաղուց …

Աշնանը սիրում ենք փաթաթվել վերմակի մեջ ու թեյել: Բայց ամենահաստ վերմակն էլ մեզ չի տաքանցի, եթե մեր ներսում չունենք ջերմություն դեպի կյանք, ընտանիք …դեպի մի սեր: Դե իսկ թեյն առանց ընկերների ոչինչ է:

Այս մարդկային տիեզերքում ամենքս մի մոլորակ ենք, ունենք մեր եղանակները: Բայց մերը չորսը չէ, շատ է, շատ-շատ ու մեկ օրում կարող է փոխվել մի քանի եղանակ: Կարևոր չէ դրսում աշուն է, ամառ, թե երկուսը միասին:) կարևոր է ինչ եղանակ է մեր հոգում…


     Հեղինակ ՝ Էմմա Քոսակյան:
    
     Աղբյուրը ՝ http://www.17.am/:

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
3868 | 0 | 0
Facebook
Մամուլի խոսնակ