Խնդրում ենք սպասել...
Այսօր`  ուրբաթ, 15 դեկտեմբերի, 2017 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
9.00%
Kentron (desktop)

Հոդվածներ

Քննարկվում է բարձրագույն կրթության 3-րդ աստիճանի որակի ապահովումը

15:09, հինգշաբթի, 12 հոկտեմբերի, 2017 թ.
Քննարկվում է բարձրագույն կրթության 3-րդ աստիճանի որակի ապահովումը

Երևանի Մ․ Հերացու անվան պետական բժշկական համալսարանում այսօր մեկնարկել է ՏԵՄՊՈՒՍ-ի VERITAS ծրագրի ամփոփիչ համաժողովը։ «Զալցբուրգյան սկզբունքների հիման վրա կրթական 3-րդ մակարդակի կառուցվածքային զարգացում» ծրագրի շահակիցները համաժողովի ընթացքում ամփոփելու են հիմնական ձեռքբերումները, առկա լավագույն փորձը, քննարկելու են արդյունքների հետագա կիրառելիության ապահովումը։
    
    

Մասնագիտական կրթության որակի ապահովման ազգային կենտրոնը VERITAS-ի շահակիցներից է և իր ներդրումն է ունեցել ծրագրի կայացման գործում։ Այսպես, ծրագրի շրջանակներում մշակվել են բարձրագույն կրթության երրորդ աստիճանի որակի ապահովման չափանիշները և չափորոշիչները։ Առաջնորդվելով դրանցով՝ շահակից բուհերը վերանայել են իրենց կրթական ծրագրերը և փաստաթղթային հենքը, որից հետո իրականացրել են ինքնավերլուծություն։ Տեղական ու միջազգային փորձագետներից կազմված խումբն հետազոտողի կրթական ծրագրերի արտաքին գնահատում է իրականացրել 11 բարձրագույն ուսումնական հաստատություններում՝ տրամադրելով բարելավման խորհրդատվություն։

«Բարձրագույն կրթության մասին» օրենքի նախագծի ընդունման դեպքում ՀՀ-ում կրթության երրորդ աստիճանի հավատարմագրումը պարտադիր կլինի։ Հավատարմագրման համար կկիրառվեն VERITAS-ի շրջանակներում մշակված չափանիշները և չափորոշիչները։
    
    

Նշենք, որ այսօր համաժողովի ընթացքում ՈԱԱԿ ինստիտուցիոնալ և ծրագրային գավատարմագրման բաժնի մասնագետ, Հիմնադրամում VERITAS-ի համակարգող Լիլիթ Պիպոյանը կներկայացնի զեկույց «ՀՀ բարձրագույն կրթության երրորդ աստիճանի որակի ապահովումը՝ չափանիշներ և չափորոշիչներ թեմայով» ։
    
    

VERITAS- ի նպատակն է բարելավել Հայաստանի ասպիրանտական կրթական համակարգը՝ այն համապատասխանեցնելով եվրոպական որակավորումների շրջանակին և Զալցբուրգյան սկզբուքներին:

Աղբյուրը` www.anqa.am
Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
498 | 0 | 0
|
Հավանե՛ք և բաժանորդագրվե՛ք
Facebook
ВКонтакте
Մամուլի խոսնակ