Կապանի N13 հիմնական դպրոցի IIIա դասարանում տեղի ունեցավ բաց դաս մայրենի առարկայից: /Դասվար Լ.Խաչատրյան/ «Փոքրիկ պատուհան դեպի մեծ աշխարհ» թեմայով ամփոփիչ դասի նպատակն էր վեր հանել աշակերտների ունեցած գիտելիքները, կարողություններն ու հմտությունները մայրենի լեզվից: Դասը կահավորված էր աշակերտների պատրաստած նկարներով, բառերի գանձատուփով, պատմությունների և զրույցների զամբյուղով:
Աշակերտներն իրենց գեղեցիկ ասմունքով դերային խաղերով ներկայացրին, թե ինչպես կարելի է փոքրիկ պատուհանից գնալ դեպի մեծ աշխարհ: Ինչպես նրանք նշեցին, այդ պատուհանը առաջին հերթին սիրելի գրքերն են բացում, մարդկանց լավ ու բարի գործերը: Նրանց այդ մեծ աշխարհում սպասում էր բնության անկրկնելի հրաշքները, որտեղ էլ հյուսեցին իրենց մանկության հեքիաթը: Բովանդակալից ու ինքնատիպ դաս էր, և ուսուցիչ Լարիսա Խաչատրյանը հասավ սովորողների ակտիվության և ինքնուրույն մտածողության զարգացմանը:
ՄԿԱ գծով փոխտնօրեն Ժաննա Վարդանյան
