Խնդրում ենք սպասել...
Այսօր`  կիրակի, 17 դեկտեմբերի, 2017 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
9.00%

Հոդվածներ

Շարունակվում են նախապատրաստական աշխատանքները Երևանի հիմնադրման 2799-րդ տարեդարձին ընդառաջ

19:14, երկուշաբթի, 09 հոկտեմբերի, 2017 թ.
Շարունակվում են նախապատրաստական աշխատանքները Երևանի հիմնադրման 2799-րդ տարեդարձին ընդառաջ

Երևանի հիմնադրման օրվա «Էրեբունի-Երևան 2799» միջոցառումների ծրագրի կազմակերպման և անցկացման հետ կապված հարցեր են քննարկվել Երևանի քաղաքապետարանում կայացած աշխատանքային խորհրդակցության ժամանակ, որը վարել է քաղաքապետ Տարոն Մարգարյանը:

Քաղաքապետի տեղակալ Արամ Սուքիասյանը զեկուցել է, որ «Երևան՝ սիրո քաղաք» խորագրով հոկտեմբերի 14-ին անցկացվելիք «Էրեբունի-Երևան 2799» միջոցառումների ծրագրի բոլոր նախապատրաստական աշխատանքներն ընթանում են սահմանված ժամանակացույցին համապատասխան:
     Սոցիալական ապահովության վարչության պետը զեկուցել է, որ տոնական միջոցառումների ծրագրի մաս կազմող սոցիալական ծրագրի շրջանակում նախորդ շաբաթ իրականացվել են տնայցեր ավելի քան 2000 ընտանիք:
     Պատասխանատուները զեկուցել են նաև, որ քաղաքապետարանի «Թեժ գիծ» ծառայությամբ շաբաթվա ընթացքում ստացված` ծրագրի մեջ ընդգրկվելու ցանկություն հայտնող քաղաքացիների զանգերը կամփոփվեն և կուսումնասիրվեն՝ հաջորդ տարվա ծրագրում ներառելու նպատակով:
     Արտաքին ձևավորման և գովազդի վարչության պետը զեկուցել է, որ մայրաքաղաքի տոնին ընդառաջ ընթացքի մեջ են նաև Երևանի փողոցների արտաքին տեսքի ձևավորման և գեղարվեստական լուսավորության աշխատանքները: Պատասխանատուները վստահեցրել են, որ տոնական Երևանի հրապարակները, գլխավոր պողոտաներն ու փողոցները երևանցիներին ու մայրաքաղաքի հազարավոր հյուրերին կներկայանան ինքնատիպ ձևավորումով և լուսավորությամբ:
     Մայրաքաղաքի տոնական ձևավորման աշխատանքների շրջանակում վարչական շրջանների ղեկավարներին քաղաքապետ Տարոն Մարգարյանը հանձնարարել է հատուկ ուշադրություն դարձնել նաև տնտեսվարողների կողմից իրականացվող ձևավորման աշխատանքներին, որպեսզի դրանք ևս համահունչ լինեն քաղաքի տոնական ձևավորմանը:
     «Էրեբունի-Երևան 2799» աշխատանքային խմբի համակարգող, փոխքաղաքապետ Արամ Սուքիասյանն էլ զեկուցել է, որ սահմանված ժամանակացույցի համաձայն ընթանում է նաև տոնական բեմերի տեղադրման ու կահավորման գործընթացը:
     Քաղաքապետ Տարոն Մարգարյանը հանձնարարել է բոլոր ուղղություններով տարվող նախապատրաստական աշխատանքները պահել ամենօրյա խիստ հսկողության տակ: Հանձնարարվել է նաև ձեռնարկել համապատասխան միջոցներ՝ հոկտեմբերի 14-ին հասարակական տրանսպորտի և մետրոպոլիտենի աշխատանքը մինչև ուշ գիշեր ապահովելու ուղղությամբ:

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
741 | 0 | 0
|
Հավանե՛ք և բաժանորդագրվե՛ք
Facebook
ВКонтакте
Մամուլի խոսնակ