Արտենիի թիվ 1 միջնակարգ դպրոցում «Անկախ Հայաստան» խորագրով միջոցառում էր ՝նվիրված ՀՀ Անկախության 26-ամյակին: Դպրոցի 1-12-րդ դասարանցիները հագնվել էին եռագույնի գույներին համապատասխան ՝ ծածանելով դրոշներ և փուչիկներ: Միջոցառման ընթացքում ներկայացրին պատմական այն կարևոր հատվածները, որոնք բեկումնային են եղել մեր ժողովրդի կյանքում: Աշակերտների խոսքը խրոխտ էր ու անսասան, որը հայրենասիրության և լավատեսության գրավական է: Միջոցառումն ավարտվեց ավանդական երգով ու պարով: