Այս օրերին, երբ Երևանում տեղի է ունենում Հայաստան-Սփյուռք համաժողովը, հիմքում ունենալով սփյուռքի աջակցությունը Հայաստանին, Գագիկ Ծառուկյանն իր անձնական միջոցներով վճարում է լիբանանահայերի թվով 20 ուսանողի ուսման վճարները:
Պարոն Ծառուկյանի բարեգործական նման քայլը խորը հարգանքի է արժանի, բայց այն այս պահին նաև մեսիջ է սփյուռքին, որ Հայաստանն ու Հայաստանում կայացած գործարարները ևս անտարբեր չեն սփյուռքի նկատմամբ, ավելին՝ պատրաստակամ աջակցելու մեր սփյուռքահայ եղբայրներին:
Պարոն Ծառուկյանի՝ սփյուռքին աջակցելու մոտեցումը, քանդում է այն ստերիոտիպը, որ միայն սփյուռքահայերն են աջակցում Հայաստանին. մեր սփյուռքահայ բարեկամները պետք է գիտակցեն, որ աջակցելով Հայաստանի հզորացմանը իրենք ամրացնում են իրենց թիկունքը, որը հարկ եղած դեպքում կանգնելու է իրենց կողքին:
Ի դեպ, ոմանք շահարկում էին Հայաստան-Սփյուռք համաժողովին Գագիկ Ծառուկյանի չմասնակցելու փաստը, բայց փաստորեն, համաժողովին չմասնակցելով հանդերձ՝ պարոն Ծառուկյանը հերթական ծանրակշիռ քայլը կատարեց Հայաստան-Սփյուռք կապերը ամրապնդելու և փոխադարձ վստահություն ձևավորելու ուղղությամբ:
Մենուա Հարությունյանի
ֆեյսբուքյան էջի գրառումից
