Հայտնի է Կրասնոդարում տեղի ունեցած խոշոր
ավտովթարի հետևանքով զոհվածների ինքնությունը:
Ռուսաստանում ՀՀ դեսպանատունը զոհերի մասին տեղեկություններ է ներկայացրել` տեղեկացնելով, որ նրանցից երկուսը հայ են` Ս.Ս. Բուլուդյան (1953) և Ա.Ս. Բուլուդյան (1978 թ.): Նրանք Ռուսաստանի քաղաքացիներ են:
Նշենք` ավելի վաղ, Ռոստովում ՀՀ Գլխավոր հյուպատոսությունը
հայտնել էր, որ Կուբանում վթարի զոհերի և վիրավորների շրջանում ՀՀ քաղաքացիներ չկան:
Հիշեցնենք, որ պատահարը տեղի է ունեցել օգոստոսի 25-ին: Ավտոբուսի բոլոր ուղևորները Վոլնա ավանի «Թամաննեֆտեգազ» -ի աշխատակցներ են:
Ըստ նախնական վարկածի, ավտոբուսի ընթացքի ժամանակ խափանվել են արգելակները, ինչի հետևանքով տեղի է ունեցել դժբախտ պատահարը:
Նշենք, որ նախնական տեղեկություններով՝ ավտոբուսում եղել է 50 մարդ, 17 մարդ մահացել է, փրկվել է 33 հոգի: