dasaran.am -ի փոխանցմամբ նետաձգության Հայաստանի պատանեկան հավաքականի անդամներ Արման Բալդիյանը և Լևոն Պողոսյանը կմասնակցեն Արգենտինայում հոկտեմբերի սկզբին կայանալիք աշխարհի պատանիների և երիտասարդների առաջնությանը, որը 2018 թվականի պատանեկան օլիմպիական խաղերի վարկանիշային մրցում է:
Պատանի նետաձիգներն ազգային հավաքականի գլխավոր մարզիչ Բորիս Վասիլյանի ղեկավարությամբ արդեն մեկ ամիս ուսումնամարզական հավաք են անցկացնում Մարտունիում գտնվող ԵԿՄ ճամբարում:
«Սեպտեմբերի սկզբին երկու թիմով մեկնելու ենք Բաթում՝ մասնակցելու միջազգային մրցաշարի, այնտեղից կգնանք Թբիլիսի, որտեղ նույնպես միջազգային մրցաշար է լինելու: Այնուհետև, կվերադառնանք ու այստեղ, ամենայն հավանականությամբ, Սևանի ավազանում սեպտեմբերի 14-ին կտանք «Հայկի նետեր» ավանդական միջազգային մրցաշարի մեկնարկը, որին մասնակցելու հայտ ներկայացրել են Բաթումի և Թբիլիսիի, Ղազախստանի, Ղրղզստանի և Յակուտիայի թիմեր», - նշել է Բորիս Վասիլյանը:
Աշխարհի առաջնության նախապատրաստության վերջին փուլը տղաները կանցկացնեն Էջմիածնում:
https://www.dasaran.am/apps/news/item/id/7187