Հոդվածներ

     Գյուղն ունեցել է Զովաշեն ու նաև օտարահունչ մի քանի անուն: Եվ հայրենաշունչ բանաստեղծը Ազատ գետի ստորին հովտում և բարեբեր լանջին սփռված Արարատի մարզի այս գյուղը կոչել է Լանջազատ: Թեև մարդիկ այսօր շատ են հպարտանում իրենց բնակավայրի շիրազյան անվանակոչությամբ, բայց բանավոր խոսք ու զրույցում հաճախ հիշում են նաև նախկին Զովաշեն անունը: Իսկ բնակիչները շատ պատվախնդիր մարդիկ են, որոնց պապերը ներգաղթել են Իրանի հայաշատ Խոյ և Սալմաստ գավառներից: Եվ նրանք Շիրազի պատկերավոր խոսքով «Արարատյան սրբազան հողից» հոգսաշատ, բայց համառ տքնությամբ վաստակում են իրենց հանապազօրյա հացը՝ պտղատու այգիներ ու խաղող են աճեցնում, բանջարեղեն ու հացահատիկ մշակում՝ չհեռանալով հայրենի եզերքից: [vid:0]