Երևանի քաղաքապետ Տարոն Մարգարյանի նախաձեռնությամբ մայրաքաղաքի վարչական շրջանների և ԼՂՀ շրջանների միջև ձևավորված համագործակցության շրջանակում ԼՂՀ-ում էր Նոր Նորք վարչական շրջանի պատվիրակությունը:
Վարչական շրջանի ներկայացուցիչը հանդիպում է ունեցել Քաշաթաղի շրջանի վարչակազմի ղեկավարի տեղակալ Արտուշ Մխիթարյանի հետ, քննարկել երկկողմ համագործակցության զարգացմանն ուղղված մի շարք ծրագրեր:
Երևանի Նոր Նորք և ԼՂՀ Քաշաթաղ շրջանների միջև առկա համագործակցության շրջանակներում կառուցվելիք հանգստի գոտու ստեղծման աշխատանքների շուրջ ևս նախապատրաստական քայլեր են իրականացվել, մշակվել է այգու հատակագիծ, պլանավորվել են առաջիկա անելիքները: