Երևանի քաղաքապետ Տարոն Մարգարյանի նախաձեռնությամբ Երևանի վարչական շրջանների և ԼՂՀ շրջանների միջև ձևավորված համագործակցության շրջանակներում կյանքի են կոչվում բազմաթիվ ծրագրեր:
Այս համատեքստում Նոր Նորք վարչական շրջանը արդյունավետ համագործակցություն է ծավալում ԼՂՀ Քաշաթաղի շրջանի հետ:
Իրականացվող բազմաբնույթ նախաձեռնություններից հերթականը ԼՂՀ Քաշաթաղի շրջանի Ներքին Սուս գյուղի միջնակարg դպրոցին նոր ուսումնական տարվա կապակցությամբ աջակցության ցուցաբերումն էր:
Այս նպատակով Նոր Նորք վարչական շրջանում էր հյուրընկալվել Ներքին Սուս գյուղի միջնակարդ դպրոցի տնօրենը:
Աշխատակազմի սոցիալական ապահովության, առողջապահության և ծրագրերի բաժնի ղեկավար Նարինե Պետրոսյանի հետ ունեցած հանդիպման ընթացքում քննարկվել են երկուստեք համագործակցության շրջանակներում իրականացվող ծրագրերի վերաբերյալ մի շարք հարցեր: Նոր Նորք վարչական շրջանի ղեկավար Արմեն Ուլիխանյանի աջակցությամբ դպրոցի առաջին դասարանի աշակերտներին են փոխանցվել դպրոցական պայուսակներ՝ գրենական պիտույքներով:
Նկարները՝
այստեղ
