Խորհրդարանական 4 քաղաքական ուժերի հետ հանդիպումների շրջանակում զարթոնքցիները այս անգամ այցելեցին «Բարգավաճ Հայաստան» կուսակցության գրասենյակ, որտեղ անմիջական հանդիպում-զրույց ունեցան կուսակցության երիտասարդական կառույցի ղեկավար, ԱԺ պատգամավոր և «Ծառուկյան» խմբակցության քարտուղար Վահե Էնֆիաջյանի հետ:
Պարոն Էնֆիաջյանը ծանոթացրեց «Բարգավաճ Հայաստան» կուսակցության երիտասարդական կառույցին, ներկայացրեց կուսակցության ծրագիրը, զարգացման տեսլականները, «Գագիկ Ծառուկյան» բարեգործական հիմնադրամի կողմից կատարված աշխատանքները, անդրադարձավ երկրում առկա հիմնախնդիրներին և խոսեց դրանց լուծումները գտնելու ուղիների մասին:
ԱԺ պատգամավորը պատրաստակամություն հայտնեց զարթոնքցիների կողմից բարձրաձայնվող և հստակ ուսումնասիրված հանրային խնդիր լինելու դեպքում միասին քննարկել և ներկայացնել ԱԺ-ում:
Այնուհետ Վահե Էնֆիաջյանը պատասխանեց զարթոնքցիներին հուզող բոլոր հարցերին:
Zartonk Center for Civic Education
