Քաղաքականության մեջ, ինչպես քերականության մեջ, այն սխալը, որը կատարում են բոլորը, կանոն է հռչակվում:
Անդրե Մալրո (1901 - 1976), ֆրանսիացի գրող, Դը Գոլի կառավարության մշակույթի նախարար
Ազատությունն ու առողջությունը մեկ ընդհանրություն ունեն. դրանք ինչպես հարկն է գնահատում ես այն ժամանակ, երբ դրանց պակասն զգում ես:
Անրի Ֆրանսուա Բեկ (1837 - 1899), ֆրանսիացի դրամատուրգ
Պետությունը մահանում է այն ժամանակ, երբ լավ մարդկանց հիմարներից չեն կարողանում տարբերել:
Անտիսփանես Աթենացի (Ք.ա.435-370թթ.), հույն փիլիսոփա
Չափավոր ազատականություն. շանն ազատություն հարկավոր է, բայց և այնպես նրան պետք է շղթայակապ պահել:
Անտոն Չեխով (1860 - 1904), ռուս գրող
Երբ քամին խաղաղ է փչում, ցանկացած ծովագնաց կարող է իր մասին բարձր կարծիք ունենալ ու պարծենալ: Բայց միայն քամիների անակնկալ փոփոխության դեպքում է ի հայտ գալիս նավի փորձառու ղեկակալի արվեստը:
Անտոնիոս Մեծ կամ սուրբ Անտոն (251 - 356), ճգնավոր
Որքան շատ է դեմոկրատիան տարածվում ու ամրապնդվում, այնքան ավելի է կառավարությունը չարիք գործելու կարողությունից զրկվում ու այնքան ավելի են ազգերը հակվում համաձայնության ու պատերազմից խուսափելու:
Անտոնեն Դեբիդուր (1847-1917), ֆրանսիացի պատմաբան
Բռնակալական իշխանությունը երկրորդ սերնդից այն կողմ չի անցնում. այն կա'մ անմիջապես, ինչպես բարդի, կտրում է բռնակալի կյանքը, կա՛մ խլում է ժառանգորդների կյանքը:
Ապպիանոս Կլավդիոս (մ.թ.ա. 340 - 273), հռոմեական քաղաքական գործիչ, հռոմեական իրավունքի հիմնադիրներից մեկը
Բռնակալությունը սիրում է չարերին, որովհետև սիրում է շողոքորթություն, իսկ ազատ մարդը չի կարող շողոքորթել: Ազնիվ մարդը կարողանում է սիրել, բայց նա չի շողոքորթում: Բռնակալն իրենից վանում է բոլոր նրանց, որոնց սիրտը հպարտ է ու ազատ:
Արիստոտել (մ.թ.ա. 384 - 322), հույն փիլիսոփա
Արդարամիտ լինելը դեռ չի նշանակում, որ նա գործերում էլ է արդար:
Արիստոտել
Ընդհանուր առմամբ, քաղաքացին նա է, որը մասնակից է և' իշխանության գործադրմանը, և' ենթարկվելուն:
Արիստոտել
Բռնակալների մեծ մասը ամբոխավարների միջավայրի ծնունդ է: Նրանք ձեռք են բերել ժողովրդի վստահությունը նրանով, որ զրպարտել են անվանիներին:
Արիստոտել
Եթե թշնամին չի սպառնում, կնշանակի բանակը վտանգի մեջ է:
Արկադի Դավիդովիչ (ծնվել է 1930-ին), ռուս գրող, ասացվածքաբան
Բռնակալին ծնում է ամբոխը, տապալում է ժողովուրդը:
Արկադի Դավիդովիչ
Օրենքի դիկտատուրա՞: Բայց դիկտատուրայի դեպքում կարելի է ցանկացած օրենք հրապարակել:
Արկադի Դավիդովիչ
Մեր երկրում (Ռուսաստանում) տեղ ունի զուտ բանդիտական երաշխիքը, որի անունը «Մերոնցականներին չենք հանձնում» է:
Արտեմի Տրոիցկի (ծնվել է 1955-ին), երաժշտական քննադատ
Այն թագավորը, որն իր գանձարանը հպատակների ունեցվածքով է լցնում, նման է այն մարդուն, որն իր տան տանիքը սվաղում է այդ տան հիմքից հանված կավով:
Մուհամմադ աս Սամարղանդի (1250 - 1310) ուզբեկ մաթեմատիկոս ու աստղագետ
Ավելի լավ է բոլորի հետ հիմար լինել, քան՝ միայնակ իմաստուն:
Բալտազար Գրասիան (1606 - 1658), իսպանացի գրող, գրաքննադատ ու փիլիսոփա
Ընդդիմությունը պաշտպանիչ փական է, որի միջով դուրս է գալիս ժողովրդական ուժի և էներգիայի ավելցուկը, դա մի փակաղակ է, որն առանց պայթյունի վտանգին ենթարկվելու հնարավոր չէ փակել:
Բենժամեն Կոնստան (1767 - 1830), ֆրանսիացի գրող, հրապարակախոս, քաղաքական գործիչ
Մարդիկ ինչո՞ւ են մեծամասնության հետևից գնում: Մի՞թե նրա համար, որ մեծամասնությունն իրավացի է: Ո՛չ, հետևում են, որովհետև մեծամասնությունն ուժեղ է:
Բլեզ Պասկալ (1623 - 1662), ֆրանսիացի մաթեմատիկոս, ֆիզիկոս և փիլիսոփա
Հավասարությունը հասարակական կառուցվածքի, օրինականության, բարի բարքերի ու բարձր պաշտոններում իսկապես պիտանի մարդկանց հավաքագրման միակ ամուր հիմքն է:
Ջորջ Բեռնարդ Շոու (1856 - 1950), իռլանդական ծագումով անգլիացի դրամատուրգ, «Նոբել» մրցանակակիր
Ստրկության վատթարագույն տեսակը սեփական վախի ստրուկը լինելն է:
Բեռնարդ Շոու
Ամենամեծ հանցագործությունն անպատժելիությունն է:
Բեռնարդ Շոու
Դեմոկրատիան դա այնպիսի կառուցվածք է, որը երաշխավորում է, որ մեզ կառավարելու են ոչ ավելի լավ, քան մենք արժանի ենք:
Բերնարդ Շոու
Եթե դուք սկսեք ինքնազոհաբերությունից՝ հանուն նրանց, որոնց սիրում եք, ապա կավարտեք ատելությամբ նրանց նկատմամբ, որոնց համար ձեզ զոհաբերում եք:
Բերնարդ Շոու
Դեմոկրատիան չի կարող մարդկային այն նյութից ավելի բարձր մակարդակի լինել, որից կազմված են նրա ընտրողները:
Բերնարդ Շոու
Դեմոկրատիան մի սարքավորում է, որը երաշխավորում է, որ մենք ավելի լավ չենք կառավարվելու, ինչի արժանի ենք:
Բերնարդ Շոու
«Երկաթե ձեռքով» կառավարման վերջը միշտ էլ գալիս է:
Բարաք Օբամա (ծնվել է 1961-ին), ԱՄՆ 44-րդ նախագահը
Մեծ կայսրությունը մեծ կարկանդակի նման է, այն ավելի լավ է ծայրերից ուտել:
Բենջամին Ֆրանկլին (1706 - 1790) ամերիկացի քաղաքական գործիչ
Եթե դու գնում ես մի բան, որը քեզ պետք չէ, ապա շուտով դու ստիպված կլինես վաճառել այն, ինչը քեզ անհրաժեշտ է:
Բենջամին Ֆրանկլին
Մեղմ օրենքներին հազվադեպ են ենթարկվում, իսկ խիստ օրենքները հազվադեպ են գործադրվում:
Բենջամին Ֆրանկլին
Առևտուրը դեռևս ոչ մի ժողովրդի չի սնանկացրել:
Բենջամին Ֆրանկլին
Մեծ կայսրությունը, ինչպես մեծ կարկանդակը, ծայրերից է սկսում փշրվել:
Բենջամին Ֆրանկլին
Նրանք, ովքեր պատրաստեն են հրաժարվել ազատությունից, որպեսզի վտանգից պաշտպանվեն, ո՛չ ազատության են արժանի, ո՛չ էլ անվտանգության:
Բենջամին Ֆրանկլին
Դեմոկրատիան դա փառամոլության ստնտուն է:
Դժբախտ է այն երկիրը, որը հերոսների կարիք ունի:
Բերթոլդ Բրեխտ (1898 - 1956), գերմանացի արձակագիր, դրամատուրգ, բանաստեղծ, արվեստի տեսաբան
Դեմոկրատիայի պայմաններում հիմարները քվեարկելու, դիկտատուրայի պայմաններում՝ կառավարելու իրավունք ունեն:
Բերտրան Ռասել (1872 - 1970), անգլիացի մաթեմատիկոս, փիլիսոփա և հասարակական գործիչ
Ամերիկացիները օվկիանոսը կկտրեն կանցնեն, որպեսզի դեմոկրատիայի համար մարտնչեն, բայց փողոցը չեն անցնի, որպեսզի քվեարկեն:
Բիլ Վոն (1915 - 1977), ամերիկացի հումորիստ
Ավտորիտար իշխանությունը միշտ ժողովրդին վախեցնում է հեղափոխության արյամբ, բայց հեղափոխության արյունը դա ոչ թե հեղափոխականների, այլ իշխանության պատասխանատվությունն է:
Բորիս Բերեզովսկի (1943 - 2013), ռուսաստանցի մեծահարուստ
