Աբովյանի համայնքապետարանի դիմահայաց զբոսայգում Աբովյանի երիտասարդական ակումբի մասնակիցները կազմակերպեցին ու անցկացրին նկարների բացօթյա հրապարակային ցուցահանդես` երեկոն ուղեկցելով երգերով, երաժշտական կատարումներով, ինտերակտիվ խաղերով ու զվարճալի պահերով:
Ցուցահանդեսին ներկայացված էին ինչպես «ՍՕՍ» մանկատան երեխաների աշխատանքները, այնպես էլ գործեր, որ հեղինակել էին Աբովյանի երեխաների աջակցության կենտրոնի սաները: Զբոսայգու այցելուները ուշադրությամբ էին զննում երեխաների յուրաքանչյուր աշխատանք` փորձելով ներթափանցել պատկերի խորքը:
Աբովյանի համայնքապետարանի աջակցությամբ նկարների հեղինակ երեխաներին տրվեցին նաև հուշանվերներ` ի նշան խրախուսանքի:
Հավելենք, որ սեպտեմբերին նախատեսվում է միջոցառման շարունակությունը` երաժշտական բացօթյա համերգի ուղեկցությամբ:
http://www.abovyan.am
