Խնդրում ենք սպասել...
Այսօր`  չորեքշաբթի, 22 նոյեմբերի, 2017 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
9.00%

Հոդվածներ

Մարդկության քրեական ժամանակագրություն

13:56, չորեքշաբթի, 12 հուլիսի, 2017 թ.
Մարդկության քրեական ժամանակագրություն

1979 թվականի հուլիսի 12-ին Նյու Յորքի Մանհեթեն թաղամասի «Փոքրիկ Իտալիա» անվամբ հայտնի շրջանում գտնվող «Ջիո և Մերի» ռեստորանում դիմակավորված վարձու մարդասպանները գնդակահարում են իտալական մաֆիայի 69-ամյա մռայլադեմ բոսսին՝ միջազգային մասշտաբի արկածախնդիր, բուրումնավետ սիգարների սիրահար Կարմին Գալանտեին:


     Գալանտեի կյանքի օրինակով կարելի է ուսումնասիրել ամերիկյան հանցավոր աշխարհի պատմությունը: Հանցավոր աշխարհի նվիրապետության աստիճաններով այս իտալացու վերլքը շատ դժվարին է եղել. սկսել է մաֆիայի մահավճիռներն ի կատար ածող շարքային անդամից ու հասել է մաֆիոզ ընտանիքի (կլան) գլխավորի «աստիճանի», ապա դարձել է հանցագործ նվիրապետության բոսսը: 1970-ական թվականներին ԱՄՆ-ում գանգստերական ընտանիքների միջև պատերազմ է սկսվում, որի ընթացքում զոհվում են «Կոզա նոստրա» -յի հռչակավոր ղեկավարներ Ջո Կոլոմբոն, Ջո Գալլոն և մի շարք այլ հանրահահայտ գանգստերներ: «Բոսսերի բոսս» է դառնում Կարլո Գամբինոն, որը, սակայն, քանի որ ծեր էր, երկար չի մնում հանցավոր կառույցի ղեկին: 1976 թվականին ծեր բոսսը մահանում է, և մաֆիայի ղեկավարի «գահը» հանձնվում է Կարմին Գալանտեին: Նա այդ ժամանակ վերահսկում էր Նյու Յորքում սպառվող հերոինի առևտուրը: Գալանտեն աչքի է ընկել առանձնահատուկ անգթությամբ (նրա հանձնարարությամբ հարյուրավոր սպանություններ են տեղի ունեցել): Մահվանից ոչ շատ առաջ նա կարգադրում է Նյու Յորքի բարձրահարկ շենքերի վերին հարկերից ցած նետել հինգ անհնազանդների, երկու հոգու տակառներում զմռսել ու Իստ Ռիվեր գետի հատակն իջեցնել: Բայց շուտով գալիս է նաև նրա վերջը: Երիտասարդ գանգստերները որոշում են, որ հարկավոր է ազատվել նրանից և կազմակերպում են մահափորձը: Դոն Կարմինի սպանությունից մեկ շաբաթ անց «հանկարծամահ է լինում» նրա մերձավոր օգնական Անջելո Պրինիզանոն: Գալանտեի վարորդի ու համհարզի այլանդակված մարմինը գտնում են քաղաքային աղբանոցում:

Այս վերջին սպանությամբ էլ ավարտվում է «Ոսկե զինվոր» մականունն ստացած հռչակավոր գանգստերի ու նրա «զինակիցների» հանցագործ բիզնեսը:

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
6295 | 0 | 0
|
Հավանե՛ք և բաժանորդագրվե՛ք
Facebook
ВКонтакте
Մամուլի խոսնակ