Խնդրում ենք սպասել...
COMMENT.am
Այսօր`  շաբաթ, 20 հոկտեմբերի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Հոդվածներ

ԵՐԲ ՏԱՆԸ ՉԻ ՄՌԱՆԸ՝ ՄՈՒԿՆ Է ԽԱՂՈՒՄ ԴՌԱՆԸ

Sona Arshuneci
Հեղինակ`
Sona Arshuneci
19:27, կիրակի, 04 հունիսի, 2017 թ.
ԵՐԲ ՏԱՆԸ ՉԻ ՄՌԱՆԸ՝ ՄՈՒԿՆ Է ԽԱՂՈՒՄ ԴՌԱՆԸ
    

ՄԵԾ ԼՈՌԵՑՈՒ՝ ԹՈՒՄԱՆՅԱՆԻ «ՀԱՌԱՉԱՆՔ» ՊՈԵՄԸ ԱՍԵՍ ՀԵՆՑ ԱՅՍՕՐՎԱ ԻՐԱԿԱՆՈՒԹՅԱՆ ՀԱՄԱՐ Է ԳՐՎԱԾ․
     «Գողն էլ մի կըռնից, գելն էլ մյուս կըռնից,
     Աչքըդ թեքեցիր—բանիդ տերը չես.
     Քաշում են տանից, քաշում են դըռնից,
     Ու չես իմանում ո՞ր կողմը թըռչես։»
     Ես էլ չգիտեմ իրականում ո՞ր կողմը թռչեմ․ այնքան հույժ կարևոր խնդիրներ կան մեր երկրում ազգային անվտանգությանը սպառնացող, որ չգիտեմ, ո՞ր մեկը բարձրաձայնեմ, ո՞րը թողնեմ․ իսկ երեկ էլ «ԿԵՆՏՐՈՆ TV» -ի լուրերով ցուցադրվեց, որ ԱՄՆ-ի դեսպանատան գլխավորությամբ, դեսպան Ռիչարդ Միլսը ողջունում է «Խաղաղության կորպուսի» նոր խմբի երդման արարողությունը, որը համընկել էր Հայաստանում Խաղաղության կորպուսի գործունեության 25-րդ տարեդարձին: Փաստորեն Խաղաղության կորպուսի առաջին կամավորները Հայաստան են ժամանել 1992թ.-ին՝ ԼՐՈՆ ՏԵՐ ՊԵՏՐՈՍՅԱՆԻ ԺԱՄԱՆԱԿՆԵՐԻՑ, և այսօր ծրագիրը տոնեց այս «կարևոր» իրադարձությունը, ինչպես նաև ողջունեց 1, 000-րդ կամավորին ․ (ահա մամուլի հրապարակումից․ ուշադիր կարդացեք․ անգամ հերթը մեր աճող սերունդին է հասնելու)
     https://am.usembassy.gov/hy/peace-corps-volunteers-2/
    
«Այսօր Հայաստանում Միացյալ Նահանգների դեսպան պրն. Ռիչարդ Միլսը անցկացրեց ԱՄՆ Խաղաղության կորպուսի 42 նոր կամավորների երդման հանդիսավոր արարողությունը: Նոր կամավորները շուտով կմեկնեն Հայաստանի տարբեր շրջաններ, որտեղ նրանք գալիք երկու տարիների ընթացքում կաշխատեն տեղի դպրոցների, համալսարանների և հասարակական կազմակերպությունների հետ՝ որպես Անգլերենի ուսուցիչներ և Համայնքի և երիտասարդության ծրագրի կամավորներ: Կամավորները Ամերիկայի քաղաքացիներ են, որոնք գալիս են Ամերիկայի Միացյալ Նահանգների բոլոր ծայրերից՝ արտացոլելով ամերիկյան ժողովրդի ողջ բազմազանությունը: Կամավորները բարեհաջող ավարտել են 11 շաբաթ տևողությամբ ինտենսիվ դասընթացը, որի ընթացքում սովորել են հայերեն, ծանոթացել հայ ժողովրդի մշակույթին և պատրաստվել Հայաստանում իրենց ծառայությանը: »
     «Խաղաղության կորպուս» ծիծաղելի է հնչում, երբ նրանց առաքելությունը բնավ էլ խաղաղությունը չէ․ գալիս են անգլերեն ուսուցանելու՞, կամ հայերեն լեզու՞ սովորելու, այս ի՞նչ աբսուրդ է մեզ հիմարացնող, այս ի՞նչ բարձրագոչ կարգախոսներ են հնչեցնում․ էլ Խաղաղության կորպուս, էլ դեմոկրատիա, էլ ժողովրդավարություն, երբ իրականում այս դիմակի տակ թաքնված, այդ կարգախոսները մտրակի դեր են կատարում մեզ նման աղքատ ու փոքր ազգերին իրեց կամքին հնազանդեցնելու, կառավարելի դարձնելու և իրենց սև գործերն իրականացնելու համար․․․ Հիմնականում մեր հավատքը պառակտելու․․․
     Այս «Խաղաղության կորպուս» կոչվածը փաստորեն նման զիգզագ ճանապարներով․ դեսպանատան մակարդակով է ներխուժում Հայաստանյան իրականություն, պառակտում մեր դարավոր հավատքը, քանի որ տեր չունի մեր հավատքը, անարգել մեր երկրում տարածում են ՄՈՐՄՈՆՈՒԹՅՈՒՆԸ, , , ես այդ մասին բարձրաձայնել եմ դեռ 2 տարի առաջ, բայց նոր եմ տեղեկանում, որ նրանք մեր երկրում բույն են դրել դեռևս 1992-ից․․ 2014-ին Հայաստանում էի․ իմ Ֆեյսբուքյան ընկերներից մեկի համար դեղ էի տարել, որը նրա կյանքը փրկելու համար էր և փրկվեց, , , Ես քրոջս տանն էի, Գյումրիում․․․ինձ շատ զարմացրեց, որ նա եկավ դեղը տանելու երկու ամերիկացի ամուսինների հետ, , , մի փոքր հարց ու փորձ և նրանք սկսեցին ինձ հետ շփվել շատ թույլ հայերենով․ պարզվեց, որ նրանք ՄՈՐՄՈՆՆԵՐ են ու իմ ֆեյսբուքյան ընկերը և նրա տղան նույնպես մորմոն են և նրանց հետ հայերեն են պարապում և դրա դիմաց վարձատրվում․ զուտ քաղաքավարությունից ելնելով և որպեսզի իմ ֆեյսբուքյան ընկերը վատ չզգա, ես լռեցի, Ամերիկացի զույգերը կարծեցին, որ ինձ հնարավոր կլինի հավատափոխ անել․ վերջում նվիրեցին իրենց մոտ եղած գիրքը ՝ ՄՈՐՄՈՆԱԿԱՆՈՒԹՅՈՒՆ, որը թարգմանված էր հայերենով, նկարազարդ էր․․․ Մի քանի օր անց ես Արտաշատում էի․ և ո՜վ զարմանք․ այստեղ էլ ինձ տեսնելու էր եկել մանկավարժ բարեկամուհիս, դարձյալ ամերիկացի մորմոնի հետ․ արդեն այս ամերիկացի մորմոնը բավական տիրապետում էր հայերենին․․․տեղեկացա, որ այս տղան ապրում և սնվում է մանկավարժ բարեկամուհուս տանը, և օրվա որոշակի ժամերի գնում է գյուղերում քարոզչության․․․
     տեղեկացա նաև, որ նախքին կրթության և գիտության նախարար Արմեն Աշոտյանի գիտությամբ շատ մանկավարժներ կցված են այս քարոզիչներին, որ սովորեցնեն հայերեն խոսել, որպեսզի քարոզիչներն իրագործեն իրենց «միսիան»,
     Շա՜տ ցավալի է, որ Գիտության ու կրթության նախարարությունն է իր ուսերին վերցրել մեր հավատքն պառակտելու ազգադավ քայլը ու այսքան բարձիթողի վիճակում է աճող սերնդի հոգևոր դաստիարակության հույժ կարևոր խնդիրը․․․մեր մանկավարժները տարիներ շարունակ իրենց մասնակցությունն են բերում ընտրակեղծիքներին, և հիմա էլ ուշացումով տեղեկացա, որ օգնում են մեր դարավոր հավատքը պառակտելուն և դռներ են բացում, մեր երկրում ստի ու կեղծիքի արմատավորմանը, օգնում Առաքելական հավատքի քայքայմանը, որ Մորմոնությունը անարգել մուտք գործի մեր երկիր․ Հիմա Աշոտյանի գործը շարունակում է Դաշնակցական նախարար Լևոն Մկրտչյանը․ դե անտեր երկիր է․ ով ինչ ուզի կանի, կտանի հանուն փողի և ակամա հիշեցի 2007-ին, երբ կրկին Լևոն Մկրտչյանը ԿԳ նախարար էր, նա ամերիկյան «ՀԻԼ» կազմակերպության հետ կնքել էր 81 միլիոն դոլարի գործարք․ որի դիմաց պետք է թվայնացվեր Մատենադարանի մեր անգին գանձերը․այդ գործարքին դեմ դուրս եկավ «Առավոտ» թերթը, Ես, Դավիթ Հովհաննեսը, Գարեգին Չուքասզյանը, ․․Երևի մեզ չհաջողվեր կանխել այդ ազգադավ գործարքը, եթե սփյուռքահայ մի մեծահարուստ, որը չցանկացավ հրապարակել իր անունը, մատենադարանին նվիրեց այս թվայնացնող թանկարժեք սարքը և կանխվեց մեր սուրբ մասունքների թալանը, , ,
     Այստեղ են ասել․
     Երբ տանը չի մռանը, մուկն է խաղում դռանը․․․
     ԻՆՁ ՀԱՄԱՐ ՇԱՏ ՑԱՎԱԼԻ Է, ՈՐ ՆՈՐ ՀԱՅԱՍՏԱՆՈՒՄ ՆՈՐԱՆՇԱՆԱԿ ԿԳ-Ի ՆԱԽԱՐԱՐ ԱՐԱՅԻԿ ՀԱՐՈՒԹՅՈՒՆՅԱՆԸ ԿՐԿՆԵՑ ԻՐ ՆԱԽՈՐԴՆԵՐԻ ՍԽԱԼԸ և ԹԱՐՄԱՑՐԵՑ ՊԱՅՄԱՆԱԳԻՐԸ, ՈՐ ՄՈՐՄՈՆՆԵՐՆ ԱՆԱՐԳԵԼ ՎԽՏԱՆ ՀԱՅԱՍՏԱՆՈՒՄ․ 450000 ՀԱԶԱՐ ԴՈԼԱՐԻ ԴԻՄԱՑ ԿՐԿԻՆ ԾԱԽՎԵՑ ՄԵՐ ՀԱՎԱՏՔԸ, , , ԱՅ ԱՅՍՊԵՍ ԵՆ ՕՏԱՐ ԴԵՍՊԱՆՆԵՐԻ ՄԻՋՈՑՈՎ ԱՆՆԿԱՏ, ԿԱՄԱՑ-ԿԱՄԱՑ ՔԱՆԴՈՒՄ ՄԵՐ ԵՐԿՐԻ ՀԻՄՔԵՐԸ, ՊԱՌԱԿՏԵԼՈՎ ՄԵՐ ՀԱՎԱՏՔԸ, ՈՐԻ ՎՐԱ ԿԱՌՈՒՑՎԱԾ Է ՄԵՐ ԵՐԿՐԻ ՀԻՄՔԻ ԱՄՐՈՒԹՅՈՒՆԸ, , ,

ՍՈՆԱ ԱՐՇՈՒՆԵՑԻ-ԲՐՅՈՒՍԵԼ
     Գրող-հրապարակախոս

Աղբյուրը` (օր. Մամուլ.am)
Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
4478 | 0 | 0
Facebook
Մամուլի խոսնակ