«Ղարաբաղյան պատերազմի վետերանների միություն» ՀԿ-ն շարունակում է իրականացնել, ՀՀ Նախագահ Սերժ Սարգսյանի դրամաշնորհի շրջանակում՝ Հայաստանի Երիտասարդական հիմնադրամի (ՀԵՀ) և ՀՀ պաշտպանության նախարարության աջակցությամբ մեկնարկած, «Մենք ձեզ հետ ենք» խորագիրը կրող բարեգործական նախաձեռնությունը, որի նպատակն է՝ հոգեպես աջակցել ապրիլյան քառօրյա պատերազմի ժամանակ զոհված զինվորների ընտանիքներին, ամրապնդել զինվորների ընտանիքների և Զինված ուժերի միջև կապը:
2016-ի նոյեմբերի 25-ին, ՂՊՎ նախագահ Յուրա Միքայելյանը, փոխնախագահ Ալլա Նիկողոսյանի հետ միասին, այցելեցին ղարաբաղա-ադրբեջանական սահմանին սկսված մարտական գործողությունների ժամանակ հերոսաբար զոհված Արամ Աբրահամյանի ընտանիքին, ով նոյեմբերի 25-ին, կդառնար 20 տարեկան: Նրանց միացան նաև նախաձեռնության շրջանակներում Արամի ընտանիքի հետ ընկերացած, ՀՀ ՊՆ Վազգեն Սարգսյանի անվան ռազմական ինստիտուտի կուրսանտ Ռաֆայել Ազիզյանը և Ազգային հերոս Ջիվան Աբրահամյանի հորաքրոջ որդին ու զինվորը` ազատամարտիկ Սարգիս Ղազարյանը ում ծննդյան տարեդարձը ևս նոյեմբերի 25-ին է:
Ամբողջական նյութի, ֆոտոշարքի և տեսանյութի համար՝ անցեք հետևյալ հղղումով shamshyan.com
