«Հայաստանի մանուկներ» հիմնադրամի նախաձեռնությամբ «Երեխայի և ընտանիքի աջակցության» ծրագրի շրջանակներում Արտենիի թիվ 1 միջնակարգ դպրոցի 8-րդ դասարանում քննարկում էր կազմակերպվել ուսհաստատության հոգեբան` Նոնա Մելքոնյանի և սոցիալական մանկավարժ` Հովհաննես Սաֆարյանի ջանքերով: Կարևոր և նպատակային ծրագիր է, որը նպաստելու է աշակերտների մոտ ընտանիք հասկացության ձևավորմանը և արժևորմանը:
Նախապես հանձնարարված էր «Իմ ընտանիքը» թեմայով շարադրություններ գրել, նկարել: Քննարկման ընթացքում հնչեցին հետաքրքիր կարծիքներ, տեսակետներ: Աշակերտների կարծիքով ամուր է այն ընտանիքը, որտեղ գերակայում է սերը, ընտանիքի անդամները հոգատար են միմյանց նկատմամբ և վստահում են իրար:
Աշակերտները անկեղծանալով ասացին նաև, որ իրենք սկսել են ավելի ուշադիր «զննել» իրենց ծնողների կազմած ընտանիքը և իրենք այնտեղ որոշակի փոփոխություններ կկատարեին:
Բովանդակալից քննարկում էր…