Բոլոր հավասար պայմաններում նկարի մեջ որքան վսեմ են հերոսները, որքան խոշոր են նրանց չափերը, որքան մեծ են նրանք, այնքան ավելի քիչ պիտի լինեն շարժումները: Այդ օրենքը գործում է, թե հոգևոր և թե ֆիզիկական ոլորտում. ֆիզիկական ոլորտում դա զանգվածների օրենքն է, հոգևոր ոլորտում` բնավորությունների օրենքը: Որքան նշանակալից են զանգվածները, այնքան ավելի մեծ է նրանց իներցիան:
Արտահայտչականությունը` ինչպես էլ այն դրսևորվի, հմայքն ու շարժումը նվազում են ըստ ֆիգուրների ծավալի մեծացման...
Եթե ընտրում եք խոշոր ֆիգուրներ, ապա թող ձեր պատկերած տեսարանը գրեթե անշարժ լինի: Իսկ եթե ընտրում եք ոչ մեծ ֆիգուրներ, ապա թող ձեր պատկերած տեսարանը լինի աղմկոտ ու խռով: Բայց կա սառնության ու չափազանցության միջինը, և այդ միջինն այն է, երբ ըստ պատկերվող գործողության, բնօրինակի ընտրությունն ամեննից ավելի շահեկանորեն համադրվում է շարժման աստիճանին:
Ինչպիսին էլ լինի ընտրված բնօրինակը, նրա շարժունությունը հակադարձ համեմատական է տարիքին` ծերությունից մինչև մանկություն:
Ինչպիսին էլ լինեն ֆիգուրի մոդուլը կամ չափերը, նրա շարժունությունը ենթակա է նուն հակադարձ համեմատությանը:
Դենի Դիդրո