[vid:0]Հայրենասիրական դաստիարակությունը յուրաքանչյուր կրթօջախի սրբազան պարտքն է ու պատասխանատվությունը: Հայրենիքը մեր սերն է, մեր ջերմ օջախը, մեր ծնողները, մեր եկեղեցիներն ու խաչքարերը, մեր մշակույթը, հայրենիքը մենք ենք …
Այս գաղափարին էր ծառայում Արտենիի թիվ 1 միջնակարգ դպրոցի «Հավերժի ճամփորդը» վերտառությամբ միջոցառումը, որը կազմակերպել էր Դաստիարակչական աշխատանքների կազմակերպիչ Նունե Շատոյանը:
Ազգային հպարտություն, խոնարհում հավերժի ճամփորդ հայ ժողովրդի պատմական ուղու, նրա ստեղծագործ ժողովրդի, մայրենի լեզվի, մշակույթի ու արվեստի նկատմամբ ակնածանքի, սեփական հայրենիքում խաղաղ ապրելու ձգտման դաստիարակում …. Սրանք էին միջոցառման նպատակները:
Գևորգ Էմինի «Հավերժի ճամփորդ» ստեղծագործությանը զուգակցվել էին Արամ Խաչատրյանի, Տիգրան Մանսուրյանի, Արա Գևորգյանի մշտամնա երաժշտությամբ, հայրենասիրական ոգեշունչ երգերով և հայ բանաստեղծության գոհարներով:
