Երիտասարդ պատմագետների ասոցիացիա ՀԿ-ն երեք տարեկան է: Կարճ ժամանակում կազմակերպությունը իրականացրել է բուռն գործունեություն, կազմակերպել մի շարք դասընթացներ, միջոցառումներ: Բազմամարդ դահլիճում գտնվող հյուրերը, որոնց մի մասը համագործակցել էին ՀԿ-ի հետ, իրենց ջերմ խոսքերը ուղղեցին` մաղթելով, որ ԵՊԱ-ն շարունակի իր առաքելությունն ու երկար կյանք ունենա: Պատմագետները վկայականներ հանձնեցին իրենց նախաձեռնած դասընթացներին մասնակցած երիտասարդներին, իսկ համակիրներն ու ՀԿ-ին երբևէ աջակցած կազմակերպություններն ու անհատները ստացան շնորհակալագրեր: Միջոցառման ընթացքում ելույթ ունեցան
«Նուբար» ավանդական
երգի-պարի համույթը,
«Նարէ» երգչախումբը,
«Սասնա Ծռեր» ազգագրական համույթը, իսկ վերջում հյուրերը
Գագիկ Գինոսյանի հետ շուրջպար բռնեցին: Այս ամենից հետո, մասնակիցներին սպասում էր ԵՊԱ-ի պարբերանշանով տոնական տորթը:
