Խնդրում ենք սպասել...

Հոդվածներ

Երևանի քաղաքապետ Տարոն Մարգարյանի գլխավորած պատվիրակությունը մեկնել է Արցախ

Yerevan info
Հեղինակ`
Yerevan info
13:07, հինգշաբթի, 19 հունվարի, 2017 թ.
Երևանի քաղաքապետ Տարոն Մարգարյանի գլխավորած պատվիրակությունը մեկնել է Արցախ

Հունվարի 19-ին և 20-ին Երևանի քաղաքապետ Տարոն Մարգարյանի գլխավորած պատվիրակությունը պաշտոնական այցով կգտնվի Լեռնային Ղարաբաղի Հանրապետությունում:

Այցի շրջանակում նախատեսվում է քաղաքապետ Տարոն Մարգարյանի հանդիպումը ԼՂՀ նախագահ Բակո Սահակյանի, ԼՂՀ վարչապետ Արայիկ Հարությունյանի և Ստեփանակերտի քաղաքապետ Սուրեն Գրիգորյանի հետ: Հանդիպումների ընթացքում կքննարկվեն Երևանի և Ստեփանակերտի քաղաքապետարանների համագործակցության ծրագրերով նախատեսված աշխատանքների ընթացքը, ինչպես նաև ԼՂՀ քաղաքների ու շրջանների հետ Երևանի վարչական շրջանների համագործակցության արդյունքներն ու առաջիկա ծրագրերը: Այցի շրջանակում նախատեսված են նաև պատվիրակության անդամների աշխատանքային այցելություններ Ստեփանակերտի կրթամշակութային, բժշկական հաստատություններ, ինչպես նաև Երևանի վարչական շրջանների ղեկավարների հանդիպումներ՝ Արցախի գործընկեր շրջանների ու համայնքների ղեկավարների հետ:

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
1616 | 0 | 0
Facebook