«Մոսկովյան կրկես» շապիտոն Հայաստանում է, և պատրաստ է ընդունել իր հանդիսատեսին: Տոնական ծրագրին կմասնակցեն ռուս և հայ դերասաններ: «Ամանորյա անակնկալներ» ծրագրով հյուրախաղերը, նվիրված են կրկեսային կոլեկտիվի 60 ամյակին: Ինչպես նշեց Երևանի կրկեսի գեղարվեստական ղեկավար Սոս Պետրոսյանը` հանդիսատեսին սպասվում է բազմաժանր ծրագիր, որում ընդգրկված են տարբեր կենդանիներ ՝ շներ, արջեր, ձիեր: Հանդիսատեսին կողջունեն Ձմեռ պապը և ձյունանուշը: Հատուկ ծրագրին մասնակցելու համար, պարոն Պետրոսյանի կողմից Գերմանիայից Հայաստան է հրավիրվել նաև հանրահայտ ծաղրածու Չարլին, նույն ինքը Գագիկ Ավետիսյանը: Հիշեցնենք, որ կրկեսը գործելու է միայն Կոմիտասի այգում (նախկին դելֆինարիում): Տոմսերի համար կարող եք զանգահարել ՝ (094) 33-60-83, (094) 33-28-53: