Արտենիի թիվ 1 միջնակարգ դպրոցի 6 –րդ դասարանի աշակերտներ Մարիամ Խաչատրյանը, Ջուլիետա Սարգսյանը, Ֆրունզե Պողոսյանը, Արթուր Սիմոնյանը,
Աշոտ Գրիգորյանը, Հովհաննես Դարբինյանը սեփական նախաձեռնությամբ ամանորյա տոների նախաշեմին իրենց շնորհակալությունն ու բարեմաղթանքն էին հայտնում դպրոցի տնօրեն տիկին Շատոյանին և դասավանդող ուսուցիչներին՝ իրենց ցուցաբերած առաջադիմությունը խրախուսելու, ուսումնական գործընթացը հավուր պատշաճի կազմակերպելու համար: Նրանք հավաստիացնում էին, որ պետք է էլ ավելի լավ սովորեն, հարստացնեն իրենց գիտելիքների զինանոցը՝ ի սպաս մեր երկրի զարգացման ու բարգավաճման: Ուսուցիչները տպավորվել էին աշակերտների խոսքերից, և նրանք էլ իրենց հերթին շնորհավորեցին 6 –րդ դասարանցիներին գալիք տոների առիթով: