Խնդրում ենք սպասել...

Հոդվածներ

Հաշմանդամների միջազգային օրվա միջոցառումներ` Դավթաշեն և Նորք-Մարաշ վարչական շրջաններում

Yerevan info
Հեղինակ`
Yerevan info
12:11, չորեքշաբթի, 07 դեկտեմբերի, 2016 թ.
Հաշմանդամների միջազգային օրվա միջոցառումներ` Դավթաշեն և Նորք-Մարաշ վարչական շրջաններում

Հաշմանդամների միջազգային օրվա խորհրդով կազմակերպված միջոցառումներից երկուսը տեղի են ունեցել մայրաքաղաքի Դավթաշեն և Նորք-Մարաշ վարչական շրջաններում: Դավթաշենում համերգային ծրագրով ելույթ են ունեցել Մոսկվայի «Զվարթնոց» հայկական մշակութային հիմնադրամի «Բացահայտված շնորհալի» ստուդիայի սաները, սահմանափակ կարողություններով արտիստներ, ինչպես նաև հայտնի կատարողներ: Համերգային ծրագրի ընթացքում դպրոցի սաների կողմից անցկացվել է ֆլեշ-մոբ՝ հայկական շուրջպար:
     Մոսկվայի «Զվարթնոց» հայկական մշակութային հիմնադրամի` Դավթաշեն վարչական շրջանի հետ ակտիվ համագործակցության համար «Զվարթնոց» հայկական մշակութային հիմնադրամի ղեկավար Անժելա Ստեփանյանը Դավթաշեն վարչական շրջանի ղեկավար Ռուսլան Բաղդասարյանի կողմից արժանացել է շնորհակալագրի:
     Համերգային ծրագրի ավարտին շահառուներին փոխանցվել են նվերներ: Հաշմանդամների միջազգային օրվա առթիվ նախաձեռնություն է կյանքի կոչվել նաև Նորք -Մարաշում: Վարչական շրջանի ղեկավար Վաղինակ Մկրտչյանի հրավերով Մհեր Մկրտչյան արտիստական թատրոնի թատերախումբը հյուրընկալվել էր հատուկ կարիքներ ունեցող համար 2 օժանդակ դպրոցում: Երեխաները դիտել են մանկական ներկայացում ու դարձել միջոցառման անմիջական մասնակիցներ:


    


     Երևանի քաղաքապետարանի տեղեկատվության
     և հասարակայնության հետ կապերի վարչություն

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
1549 | 0 | 0
Facebook