Խնդրում ենք սպասել...

Հոդվածներ

Ապագա իրավաբանների այցը ակադեմիա

12:22, հինգշաբթի, 01 դեկտեմբերի, 2016 թ.
Ապագա իրավաբանների այցը ակադեմիա

Արդեն ավանդույթ է դարձել Արդարադատության ակադեմիայում ԵՊՀ իրավագիտության ֆակուլտետի ուսանողներին հյուրընկալելը: Ֆակուլտետային ուսանողական գիտական ընկերության նախաձեռնությամբ բակալավրիատի և մագիստրատուրայի մի խումբ ուսանողներ նոյեմբերի 30-ին այցելեցին Արդարադատության ակադեմիա, հանդիպեցին ռեկտոր, իրավաբանական գիտությունների դոկտոր, պրոֆեսոր Սերգեյ Առաքելյանին:

Ուսանողների առաջարկով հանդիպումն անցավ հարց ու պատասխանի ձևաչափով: Հանդիպման հենց սկզբում ապագա իրավաբաններից շատերը նշեցին, որ ցանկություն ունեն ապագայում դառնալ Արդարադատության ակադեմիայի ունկնդիր՝ ընդգրկվելով դատավորի, դատախազի կամ քննիչի թեկնածությունների ցուցակներում:

Ռեկտոր Սերգեյ Առաքելյանը ողջունեց համալսարանականներին և մանրամասն ներկայացրեց ակադեմիայի գործունեությունը: Ռեկտորը պատասխանեց ուսանողներին հետաքրքրող տարաբնույթ մի շարք հարցերի, որոնք վերաբերում էին ընդունելությանը, ուսումնառությանը, պրակտիկային, քննաշրջանի կազմակերպմանը և այլն:

Հանդիպման ավարտին ակադեմիայի ռեկտոր Սերգեյ Առաքելյանը հորդորեց ուսանողներին լավ սովորել, լինել ուժեղ և վստահ, ճիշտ կողմնորոշվել աշխատանքի ընտրության հարցում, որպեսզի հետագայում սիրով աշխատեն և չհիսաթափվեն բարդություններից:

Ուսանողներն այցի ավարտին ցանկություն հայտնեցին լուսանկարվել ակադեմիայի շենքում բոլորովին վերջերս տեղադրված արդարության ոլորտում կրթությունը խորհրդանշող արձանի մոտ:

Աղբյուրը` www.justiceacademy.am
Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
3036 | 0 | 0
Facebook