Խնդրում ենք սպասել...
Այսօր`  շաբաթ, 10 դեկտեմբերի, 2016 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
8.50%
,
Եվրոպական Եվրո
7.00%
,
Ռուսական ռուբլի
9.50%
Media Monitoring

Հոդվածներ

Նոր շունչ արդի գրականությունում

20:52, կիրակի, 27 նոյեմբերի, 2016 թ.
Նոր շունչ արդի գրականությունում
     Սլավի-Ավիկ Հարությունյան - բանաստեղծ, կինոսցենարիստ, փիլիսոփայության գիտությունների դոկտոր։ Ծնվել է 1965թ․ Լեռնային Ղարաբաղում։ Տպագրվել է դեռ 15 տարեկանից։ Սլավի-Ավիկ Հարությունյանի գրականությունը հեղափոխություն է, նոր մոտեցում, նոր ելքեր, նոր գույներ։
     Ընթերցողին ենք ներկայացնում հեղինակի մի քանի բանաստեղծություններ՝
     ԲԱԽՏ
     երբ վերջանում է
     ու էլ չի լինում,
     դրսից շոշափում
     ու չես գտնում քեզ-
     փախած մի ձի է
     հեռվում՝ վրնջում,
     որի անունը պիտի,
     որ հիշես:
     պիտի որ հիշես,
     բայց էլ չես հիշում:
     ճերմակ-սև,
     պուտ-պուտ՝
     վիզը երկարել ու
     նայում է քեզ-
     խոտերի
     գույնը
     քեզնից դուրս,
     քո մեջ՝
     փխրուն
     մի
     մարմին՝ հեռու
     մի համբույր
     այդ խոտերի մեջ.
     պիտի որ հիշես
     անունը նրա,
     բայց էլ չես հիշում:
     ինքդ քեզնից դուրս,
     բախտդ՝
     խոտերում
     ու չես հասկանում,
     թե ինչո՞ւ է ձին խոտը համբուրում:
     ***
    

Ներս-դուրս

բոլորս
     իրար կյանքի մաս ենք
     Երկրում-
     թեկուզ
     մաս-մաս
     մենակ

ինչ ծանր են ու երկար հեռացումները, Աստված

Երկրից դուրս-
     տխուր ու հուսահատ օրերիդ
     սիրուն կանանց
     սկսում ես
     անկողիններում դիմել
     Անուն-Հայրանունով

***

Թռիչքների ժամանակը

ինձ չեն փնտրում–

ինքնաթիռները
     վայրէջք են կատարում
     ճիշտ ժամանակին
     (երբեմն–բացառությամբ–
     փոքր-ինչ ուշացումով)

փորձանքները–
     не в счет

ոչ մեկն էլ
     չի՜ փնտրում-հիմա
     գտած–գողացածն են
     մի կերպ պահում

(թռիչքների ժամանակ-
     թե վայրէջքներից հետո)

բայց երկնքի
     ամպերում
     արևի շողեր են լինում
     մաքուր
     մարգարիտների նման

թռիչքների ժամանակ
     ես լսել եմ
     նրանց–
     ջարդվող
     ձայների
     հառաչը

****


    
Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
1
Չհավանել
0
982 | 0 | 0
|
Հավանե՛ք և բաժանորդագրվե՛ք
Facebook
ВКонтакте
Մամուլի խոսնակ