Վանաձորի պետական համալսարանի կենսաբանաքիմիական ֆակուլտետում արդեն ավանդույթ է դարձել մարզի և քաղաքի տարբեր դպրոցների աշակերտների այցը համալսարան, կազմակերպել և իրականացնել տարաբնույթ միջոցառումներ: Դրա վառ ապացույցն է հոկտեմբերի 25-ին կենսաբանաքիմիական ֆակուլտետի քիմիայի ամբիոնի դասախոս, ք.գ.թ., դոցենտ Ա. Ղազարյանի և Ալեքսանդր Գրիբոեդովի անվան թիվ 11 ավագ դպրոցի ՝քիմիայի ուսուցչուհի Զինա Արաբաջյանի կողմից կազմակերպված Վիկտորինա մրցույթը, որին մասնակցում էին թիվ 11 ավագ դպրոցի 9-րդ դասարանի աշակերտները:
Վիկտորինան ընթացավ բարձր մակարդակով աշակերտների ընդգծված ակտիվությամբ: Վիկտորինայի ժյուրիի անդամներն էին թիվ 11 ավագ դպրոցի կեսաբանության ուսուցչուհի Հ. Հովհաննիսյանը, նույն դպրոցի քիմիայի ուսուցչուհի Ն. Օհանյանը և քիմիայի ամբիոնի դասախոս Ռ. Դավիթավյանը:
Ողջույնի խոսքով հանդես եկավ կենսաբանաքիմիական ֆակուլտետի դեկան, կ.գ.դ, դոցենտ Զ. Վարդանյանը: Նա նշեց, որ դպրոցների ուսուցիչները և բուհի ղեկավարությունը ամեն ինչ անում են և ջանք չեն խնայում աշակերտների գիտելիքների ամրապնդման համար, որի վառ ապացույցն է այսօրվա աշակերտների այցը մեր համալսարան:
Վիկտորինայի ժամանակ զեկույցով հանդես եկավ կենսաբանաքիմիական ֆակուլտետի «Դեղագործական քիմիա» մասնագիտության 4-րդ կուրսի ուսանողուհի Նանե Պետրոսյանը «Հայկական այբուբենը և մետաղների հայկական անվանակարգումը» թեմայով:
Վիկտորինա մրցույթի նպատակն էր նպաստել աշակերտների մոտ բնագիտական գիտելիքների զարգացմանը և ամրապնդմանը, խորացնել աշակերտների բնագիտական գիտելիքների կարողությունները և ճանաչողական հմտությունները:
Վիկտորինա մրցույթին հաջորդեց հետաքրքրաշարժ փորձերը, որոնք կատարեցին կենսաբանաքիմիական ֆակուլտետի «Դեղագործական քիմիա» մասնագիտության 3-րդ կուրսի ուսանողներ Ինեսա Հովհաննիսյանը, Անի Մարուքյանը, «Դեղագործական քիմիա» մասնագիտության 2-րդ կուրսի ուսանողներ Սվետլանա Մարկոսյանը և Աշոտ Հայրապետյանը:
Այսօրինակ համագործակցությունը մեծ հնարավորություն է տալիս դպրոցականներին տեխնիկապես հարուստ լաբորատորիաներում իրականացնել դիտարժան փորձեր: Աշակերտները մեծ ոգևորությամբ հետևում էին փորձերի ընթացքին. շատերի համար դա քիմիայի առաջին փորձն էր. նման հնարավորությունը դպրոցում չկա:
Աշակերտների ոգևորությունը մեծ էր: Քիմիայի ուսուցչուհի Զ. Արաբաջյանը շնորհակալություն հայտնեց դասախոս Ա. Ղազարյանին՝ հոգատար վերաբերմունքի և համագործակցության համար:
