Կապանի N13 հիմնական դպրոցի IIա դասարանում տեղի ունեցավ «Ոսկեծամիկ աշուն» թեմայով ամփոփիչ դաս: /Դասվար Լարիսա Խաչատրյան/
Աշունը մտավ Կապան՝ փռելով իր ծիրանին մայթերին: Ու հանկարծ... բացվեց դասարանի դուռը:
Նա եկել էր վառ գույներով, լի կողովներով: Աշնանային այգու գողտրիկ անկյուն հիշեցնող դասասենյակը զարդարված էր բազմագույն ու խայտաբղետ թուփ ու տերևներով: Ներկաներին մի ուրիշ, կախարդական խորհուրդ էր պարուրել: Իսկ աշակերտները գովերգեցին նրան, հիացան նրա գույներով, գնահատեցին աշնան առատաձեռնությունը:
Նրանց մոտ դրսևորվել է արդեն նկարագրված դեպքերի հուզազգայական վերաբերմունք, կարողանում են հաղորդակցվել, ինքնաարտահայտվել, մտքերը հասկանալի ձևակերպել: Հայրենի բնության գեղեցկությունը գնահատեցին երգերի բանաստեղծությունների միջոցով:
Նորից անձրև՜, մշո՜ւշ, ա՜մպ,
Թախի՜ծ անհուն, տխրա՜նք հեզ,
Աշո՛ւն, քեզ ի՛նչ քնքշությամբ,
Ի՞նչ խոսքերով երգեմ քեզ…
ՄԿԱ-ի գծով փոխտնօրեն Ժաննա Վարդանյան