Թուրքիայի էներգետիկայի և բնական պաշարների նախարար Բերաթ Ալբայրաքն օրերս հասարակությանն է ներկայացրել Կոնյա Կարափինարում կառուցվելիք արևային էլեկտրակայանի նախագիծը:
Էլեկտրակայանը, որի նախագծային արժեքը մեկ միլիարդ դոլար է, արտադրելու է 17 միլիոն կիլովատ/ժամ էլեկտրաէներգիա: Դա նշանակում է, որ կայանի արտադրելիք հոսանքը կբավարարի 600 հազար բնակարան լուսավորելու համար:
«Այս նախագծի շնորհիվ մենք դառնալու ենք մի երկիր, որը բավարարելու է ոչ միայն ներքին, այլև` ամբողջ տարածաշրջանի պահանջը», - ասել Բերաթ Ալբայրաքը: Կոնիայի Կարափինար համայնքին մերձակա արևային էլեկտրակայանը ամենամեծն է լինելու աշխարհում: