Խնդրում ենք սպասել...

Հոդվածներ

Քննարկվել են թափառող կենդանիների հետ կապված խնդիրների կարգավորմանն առնչվող հարցեր

Yerevan info
Հեղինակ`
Yerevan info
12:04, հինգշաբթի, 20 հոկտեմբերի, 2016 թ.
Քննարկվել են թափառող կենդանիների հետ կապված խնդիրների կարգավորմանն առնչվող հարցեր

Երևանի քաղաքապետ Տարոն Մարգարյանի հանձնարարությամբ քաղաքապետի տեղակալ Դավիթ Օհանյանը հանդիպել է կենդանիների պաշտպանությամբ զբաղվող հասարակական կազմակերպությունների ներկայացուցիչների հետ: Հանդիպման ընթացքում քննարկվել են մայրաքաղաքում թափառող կենդանիների, մասնավորապես շների հետ կապված խնդրի կարգավորմանն ու լուծմանն առնչվող հարցեր:

Դավիթ Օհանյանը տեղեկացրել է, որ այս մասով Երևանի քաղաքապետարանն ուսումնասիրել է ավելի քան 50, այդ թվում ինչպես խոշոր, այնպես էլ բնակչության քանակով ու տարածքով Երևանին նման քաղաքների, նաև տարբեր կազմակերպությունների կողմից թափառող կենդանիների խնդրի կարգավորման ուղղությամբ միջազգային փորձը: Կիրառվող մոտեցումների հիման վրա կազմվել է նաև հաջորդ տարվա ծրագրի փաթեթը, որը ևս ներկայացվել է հանդիպման մասնակիցներին:
     «Երևանի քաղաքապետարանը բաց և պատրաստակամ է՝ լսելու ցանկացած առաջարկ և իր լիազորությունների շրջանակում աջակցելու համատեղ ծրագրերի իրականացմանը: Այս առումով պետք է ընդգծեմ, որ գնումների գործընթացն այսօր արդեն ամբողջությամբ իրականացվում է էլեկտրոնային եղանակով, ինչը հնարավորություն է ընձեռում, որ մրցույթին մասնակցեն նաև միջազգային կազմակերպություններ: Այս հարցում ակնկալում ենք նաև ձեր աջակցությունը՝ գործընթացում միջազգային փորձի ներդրման և ավելի տեսանելի արդյունքներ ունենալու համար, ինչը հնարավորություն կտա լուծելու մեր քաղաքի համար արդիական ու մեր համաքաղաքացիներին անհանգստացնող այս խնդիրը», - ընդգծել է Դավիթ Օհանյանը:
     ՀԿ-ների ներկայացուցիչները, արձանագրելով վերջին երկու տարիների ընթացքում այս ուղղությամբ Երևանի քաղաքապետարանի, ինչպես նաև համատեղ կատարված աշխատանքների դրական տեղաշարժը, ներկայացրել են իրենց մտահոգություններն ու առաջարկությունները: Առաջնահերթ է դիտարկվել կենդանիների պաշտանության վերաբերյալ օրենսդրական դաշտի կարգավորման հարցը: Թափառող շների խնդրի կարգավորման մասով էլ առաջարկվել է Երևանի քաղաքապետի և Կենդանաբույժների համաշխարհային ծառայության ներկայացուցիչների հետ կայացած հանդիպման արդյունքների հիման վրա տանել համագործակցության՝ արդեն կոնկրետ առաջարկներով համատեղ աշխատանքներ: Հանդիպման ընթացքում քննարկվել են նաև թափառող շների ստերջացման և վնասազերծման հետ կապված հարցեր:
     Կարևորելով համալիր ծրագրերի իրականացման անհրաժեշտությունն ու միջազգային փորձի տեղայնացման հնարավորությունները՝ պայմանավորվածություն է ձեռքբերվել առաջիկայում քննարկել միջազգային կառույցների ներգրավման հնարավորություններն և համատեղ մշակել աշխատանքների իրագործման ծրագիր:


    
    

Երևանի քաղաքապետարանի տեղեկատվության
     և հասարակայնության հետ կապերի վարչություն

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
1821 | 0 | 0
Facebook