Խնդրում ենք սպասել...
Այսօր`  երեքշաբթի, 06 դեկտեմբերի, 2016 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
8.50%
,
Եվրոպական Եվրո
7.00%
,
Ռուսական ռուբլի
9.50%
Media Monitoring

Հոդվածներ

«Հայաստանի փոքրիկ երգիչները» Եվրոպայում ներկայացրել են ՀՀ 25-ամյա անկախության սերունդը

19:10, հինգշաբթի, 13 հոկտեմբերի, 2016 թ.
«Հայաստանի փոքրիկ երգիչները» Եվրոպայում ներկայացրել են ՀՀ 25-ամյա անկախության սերունդը

Երևանի քաղաքապետարանի «Հայաստանի փոքրիկ երգիչներ» մանկական ֆիլհարմոնիան գեղարվեստական ղեկավար և դիրիժոր Տիգրան Հեքեքյանի գլխավորությամբ սեպտեմբերի 18-ից հոկտեմբերի 1-ը ՀՀ անկախության 25-ամյակին նվիրված «Անկախության սերունդ» խորագրով համերգային շրջագայություն է կատարել եվրոպական մի շարք երկրների, այդ թվում Գերմանիայի, Դանիայի, Բելգիայի և Նիդերլանդների 9 քաղաքներում։

Երգչախմբի համերգային շրջագայության վերաբերյալ Խնկո Ապոր անվան ազգային մանկական գրադարանում հրավիրված մամուլի ասուլիսին Երևանի քաղաքապետի տեղակալ Արամ Սուքիասյանը, շնորհավորելով փոքրիկ երգիչներին բացառիկ համերգաշարի և հաջող ելույթների համար, ընդգծել է, որ քաղաքապետարանը կարևորում է երաժշտական և արվեստի դպրոցների ու մշակութային կենտրոնների մասնակցությունը միջազգային հարթակներում և մշտապես աջակցում նման ծրագրերին:
     «Հատկապես հետաքրքրական և ուրախալի է, որ համերգների հանդիսատեսը, լինելով տեղի երաժշտասեր և մշակույթն արժևորող հասարակությունը, բայց ոչ հայ համայնքը, իր համար նորովի է բացահայտում մեր երկիրն ու Երևանը: Եվրոպական շրջագայությունը նաև դիվանագիտական կարևոր նշանակություն ունի կապերի ընդլայնման և զարգացման տեսանկյունից: «Հայաստանի փոքրիկ երգիչներ» երգչախումբը վաղուց արդեն այցեքարտ է մեզ համար: 2015թ. տարբեր երկրներում փայլուն ելույթներ եղան նաև Հայոց ցեղասպանության 100-ամյա տարելիցի միջոցառումների շրջանակում: Անկախության 25-մյակին նվիրված եվրոպական համերգաշարը այլ կարևորություն է ունեցել. անկախության սերունդը յուրովի ներկայացրել է անկախությունը» , -ընդգծել է Արամ Սուքիասյանը:
     «Հայաստանի փոքրիկ երգիչներ» մանկական ֆիլհարմոնիայի գեղարվեստական ղեկավար և դիրիժոր Տիգրան Հեքեքյանը, շնորհակալություն հայտնելով Երևանի քաղաքապետարանին մշտական աջակցության և հոգատար վերաբերմունքի համար, նշել է, որ բոլոր հաջողությունները մեծապես կախված են այն պայմաններից և այն մթնոլորտից, որտեղ աշխատում է երգչախումբը:
     «Համերգաշարը մեզ համար առանձնահատուկ կարևորություն ուներ, նախ, որ այն նվիրված էր ՀՀ անկախության 25-րդ տարեդարձին և արտերկիր էինք մեկնել մեր երկիրը ներկայացնելու առաքելությամբ և երկրորդ՝ երգչախումբը ելույթ ունեցավ աշխարհի հռչակավոր բեմերում, որոնք ոչ բոլորին են հասու: Համերգներն ունեին նաև իրենց քաղաքական նշանակությունը և պատահական չէ, որ տարբեր պաշտոնյաների կողմից Հայաստանին ուղղված գովեստի բազմաթիվ խոսքերով և համագործակցության նոր հրավերներով ենք վերադարձել Երևան», -նշել է Տիգրան Հեքեքյանը:
     Շրջագայության ընթացքում փոքրիկ երգիչները ելույթ ունենալով ամենահայտնի և անվանի բեմերում՝ երգացանկում ներկայացրել են 5-րդ դարի հայակական շարականներից մինչև միջնադարյան և ժամանակակից դասական երաժիշտների ստեղծագործություններ:
     Ասուլիսի մասնակից ՀՀ մշակույթի նախարարության արտաքին կապերի վարչության պետ Սվետլանա Սահակյանն իր հերթին ևս շնորհավորելով փոքրիկ երգիչներին՝ շնորհակալություն է հայտնել Հայաստանի Հանրապետությունն ու անկախության սերնդին լավագույնս ներկայացնելու համար:


    

Երևանի քաղաքապետարանի տեղեկատվության
     և հասարակայնության հետ կապերի վարչություն

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
293 | 0 | 0
|
Հավանե՛ք և բաժանորդագրվե՛ք
Facebook
ВКонтакте
Մամուլի խոսնակ