Կապանի N13 հիմնական դպրոցում ուսուցչի մասնագիտական տոնի կապակցությամբ կազմակերպվեց տոնական ուշագրավ հանդիսություն «ՀՈԳՈՒ ԵՎ ՄՏՔԻ ԱՐԱՐԻՉ» խորագրով: Ուսուցիչներին ողջունեցին և բարձր տրամադրություն հաղորդեցին դպրոցի VII բ դասարանի աշակերտները: /Դասղեկ Ռիմա Մկրտչյան/
Աշակերտներն իրենց երախտիքի ու սրտի խոսքն ուղղեցին տարիներ շարունակ իրենց կրթած ու դաստիարակած, մայրական ջերմությամբ համակած սիրելի մանկավարժներին:
Դպրոցի տնօրեն Զավեն Ստեփանյանը կրկին շնորհավորելով գեղեցիկ տոնի առթիվ` առողջություն ու ստեղծագործական նորանոր հաջողություններ մաղթեց ուսուցիչներին իրենց շնորհակալ և հայրենանվեր առաքելության ճանապարհին:
ՈՒՍՈՒՑԻՉՆԵՐ, ԽՈՆԱՐՀՎՈՒՄ ԵՄ ՁԵՐ ԱՌՋԵՎ
Ի՞նչ կմնար մարդկությունից, տե՜ր աստված,
Թե չունենար ուսուցիչներ, դպրոցներ:
Ահա ինչու` ամբողջ հոգով և սրտանց-
Ուսուցիչներ, խոնարհվում եմ ձեր առջև: