2016թ. սեպտեմբերի 24-ին Վանաձորի Ա. Ս. Պուշկինի անվան № 4 հիմնական դպրոցի 6 Բ դասարանում /դասղեկ՝ Լ. Կիրակոսյան/ անցկացվեց դասղեկի ժամ՝ նվիրված ՀՀ անկախության 25-ամյակին:
Դասի ընթացքում աշակերտները անդրադարձան Հայաստանի անցած դժվար ճանապարհին, նրա բազմաթիվ քաջ հերոսներին, զենք դարձած մշակութային արժեքներին: Ներկայացվեցին Հայաստանի խորհրդանիշերը որպես նրա բազմադարյա պատմության խորհրդավոր էջեր:
Աշակերտները կատարեցին հայրենասիրական երգեր և բանաստեղծություններ: Հայ մեծերի խոսքերով խրատներ տրվեցին աշակերտներին, հատուկ ուշադրություն դարձրեցին քառօրյա պատերազմին ու մեր նորօրյա հերոսներին, փառաբանեցին նրանց անձնազոհ քաջագործությունները: Դասն ավարտեցին խաղաղության կոչով: