Տարեցների միջազգային օրվա առթիվ Երևանի քաղաքապետը իր ֆեյսբուքյան էջում գրել է.
«
Հոկտեմբերի 1-ը Տարեցների միջազգային օրն է:
Առիթից օգտվելով ևս մեկ անգամ մեր երախտագիտությունը հայտնենք այն մարդկանց, ովքեր արժանիորեն վաստակել են երջանիկ ու անհոգ ծերության իրավունքը: Մեր կողքին ապրում են մարդիկ, ովքեր ունեն բոլորիս ուշադրության և հոգատարության կարիքը, արժանի են լինել սիրված, շրջապատված ջերմությամբ։
Մեր տարեցները, նրանց հուզող խնդիրները միշտ եղել են Երևանի քաղաքապետարանի և անձամբ իմ ուշադրության կենտրոնում: Քաղաքապետարանի կողմից իրականացվող համաքաղաքային, սոցիալական կամ այլ ծրագիր չկա, որտեղ առանձնակի ուշադրություն չհատկացվի տարեցներին:
Մեր թիմն անում է հնարավորը, որ ավագ սերունդն իրեն զգա մեր սիրելի մայրաքաղաքի լիարժեք ու ակտիվ քաղաքացի:
»