Սննդառությանն առնչվող առասպելներ, կարծրատիպեր ու մոլորություններ (նախորդ հոդվածի շարունակությունը)
Տարածված պնդումներ, որոնք ճիշտ չեն Առկա են բազմաթիվ հետազոտություններ, որոնք ապացուցում են, որ եթե սննդում ճարպը շատ քիչ է, ապա մարդը որքան էլ խմորեղեն ու քաղցրեղեն ուտի, առնվազն չի գիրանա: Արդի սննդակարգաբանությունում ածխաջրերի ոչ ճարպածին լինելու մասին սկզբունքային միակարծություն է առկա: Բարձ ածխաջրային, բայց ցածր ճարպային սննդակարգերի օգնությամբ կարելի է հաջողությամբ պահպանել քաշն ու չգիրանալ: 9.Պաքսիմատն ավելի արագ է գիրացնում, քան հացը: Նման պնդումը չի համապատասխանում իրականությանը: Պաքսիմատներն ավելի կալորիական են, դրանցում ճարպն ավելի շատ է, քան հացի մեջ: 50 գրամ պաքսիմատը տալիս է 200 կիլոկալորիա, իսկ 50 գրամ հացը՝ 125 կկալ: 10. Կանաչ թեյը նիհարեցնում է: Ճիշտ չէ, բայց թեյը (նաև գինին, մրգերն ու բանջարեղենը) մեծ քանակությամբ բազմաֆենոլներ են պարունակում, իսկ դրանք չեզոքացնում են անոթների համար խիստ վտանգավոր խոլեստերինը: 11.Բուսական յուղը չի գիրացնում: Կենցաղում օգտագործվող բուսական յուղերըը 97-98 տոկոս ճարպ են պարունակում: Դրանք խիստ ճարպածին մթերքներ են, թեպետ պետք է նշել, որ բուսական յուղերը, ի տարբերություն կենդանական ճարպերի, չեն արագացնում աթերոսկլերողի խորացումը: 12. Ցանկացած ձուկ նիհարելուն նպաստում է: Այդպես չէ: Ձուկը մսից ոչ պակաս քանակության ճարպ է պարունակում: Օրինակ՝ 100 գրամ սկումբրիան կամ լոսոսը 12 գրամ ճարպ են պարունակում, իսկ 100 գրամ տավարի միսը՝ ընդամենը 3 գրամ: 13. Խնձորի քացախը նպաստում է նիհարելուն: 14. Սպիտակ հացը մյուս հացերից ավելի կալորիական է: Ճիշտ չէ: 100 գրամ սպիտակ հացը մարդու օրգանիզմին նույնքան կալորիա է տալիս, որքան մյուս տեսակի հացերը: Պարզապես, մղեղահացում բջջանքը շատ է, որն օժանդակում է մարսողությանը: 15. Ձուկը ճարպ կամ խոլեստերին չի պարունակում: Թեպետ ցանկացած ձուկ որոշ քանակության ճարպ ու խոլեստերին է պարունակում, բայց ձկների մեծ մասը հագեցած ճարպ ու խոլեստերին ավելի քիչ է պարունակում, քան տավարի, խոզի և հնդկահավի միսը: Ձուկը սպիտակուցի լավ աղբյուր է: Մեծ քանակությամբ ճարպ պարունակող ձկներում առատ են օմեգա-3 ճարպաթթուները, որոնք կարող են նվազեցնել սրտային հիվանդությունների առաջացման հավանականությունը: Խորոված ձուկը կարող է դառնալ ձեր առողջ սննդակարգի բաղադրիչը: 16. Շիլան գիրացնում է: Ձավարեղենը, հիրավի, ածխաջրերի աղբյուր է, բայց նա, ով ավելի շատ ածխաջրեր պարունակող սնունդ է ուտում, քան՝ ճարպային, ավելի հեշտ է «քաշ գցում» ու ավելի դանդաղ է քաշ ավելացնում: Հետաքրքիր երևույթ է նկատվել. եթե սննդում ճարպերի քանակն ավելացնելու դեպքում մարմնի զանգվածն աճում է, ապա ածխաջրային սննդի ավելացման դեպքում մարմնի զանգվածը նվազում է: 17. Տավարի, խոզի, հավի, ձկան միսը վնասակար են առողջությանը և խոչընդոտում են քաշի նվազմանը: Թվարկածները որոշ քանակության հագեցած ճարպ ու խոլեստերին են պարունակում, բայց դրանք պարունակում են նաև առողջությանն օգտակար այնպիսի նյութեր, ինչպիսիք են սպիտակուցը, երկաթը և ցինկը: Նկատելի ճարպ չպարունակող մսի քիչ քանակությունը (60-90 գրամ) նույնիսկ անհրաժեշտ է: 18. Ախորժակը փակելու համար կարելի է խնձոր կամ նարինջ ուտել: Ճիշտ չէ: Պարզվել է, որ խնձորն ու մյուս բոլոր մրգերը ոչ թե փակում, այլ բացում են ախորժակը: 19. Միրգն ու քաղցրեղենը պետք է միայն ճաշից հետո ուտել: Մրգային աղանդերը լիքը որովայնում կարող է երկար մնալ և այդ ընթացքում կորցնել իր կարևոր հատկությունները: Կուշտ փորին կերած մրգերը հաճախ որովայնային ցավեր են հարուցում ու գազեր են գոյացնում: Այդ իսկ պատճառով մրգերն օրգանիզմին ավելի մեծ ծառայություն են մատուցում սնունդ ընդունելու միջակայքում: Նույնը վերաբերում է քաղցրեղենին: 20. Ուտելուց հետո մաստակ ծամելն օգտակար է: Մաստակը, հիրավի, թարմացնում է շնչառությունը, բայց այն չի կարելի բերանի խոռոչի հիգիենայի միջոց համարել: Գիտականորեն ապացուցվել է, որ ատամների վրա բարերար ներգործություն են ունենում միայն ֆտորիդներ պարունակող մաստակները: Շաքար պարունակող մաստակներից պետք է հրաժարվել, որովհետև ատամի արծնը քայքայելու ունակությամբ» այն հավասարազոր է կոնֆետին: Իսկ ինչ վերաբերում է ոսկրափուտից պաշտպանելու դրա ունակությանը, ապա պետք է հստակ իմանալ մաստակը ծամելու ճիշտ եղանակն ու տևողությունը: Մաստակ կարելի է ծամել օրվա ընթացքում ընդամենը երեք անգամ՝ երեքական րոպե տևողությամբ: Նկատի առեք, որ նշված ժամանակամիջոցից ավելի ծամելու դեպքում ստամոքսը հավելյալ հյութ է արտադրում, և քանի որ օրգանիզմը սնունդ չի ստանում, ապա կարող է վնասվել ստամոքսի լորձաթաղանթը: |