Հոդվածներ

ՀՀ Անկախության 25-ամյակին նվիրված միջոցառումների մեկնարկը տրվել է արդեն մեր դպրոցում: Հերթականը կայացավ այսօր. կազմակերպվել էր հանդիպում 2- 4-րդ դասարանցիների, Վետերանների միության անդամների ու Երկրապահ կամավորների միության ազատամարտիկների հետ: Հանդիպումը անցավ ջերմ ու անմիջական մթնոլորտում: Վետերանները և ազատամարտիկները սիրով պատասխանեցին երեխաների հարցերին: Մեծ հայրենականի վետերան Անդրե Անդրեյանը պատմեց իր անցած մարտական ուղու մասին, իսկ ազատամարտիկ Աշոտ Թադևոսյանը ներկայացրեց արցախյան գոյամարտի և ապրիլյան քառօրյա մարտերի պատմությունը:

Վերջում երեխաները նկարվեցին զինվորական պարագաներով և երգեցին «Մարտիկի երգը»: Աշակերտները բարձր տրամադրությամբ, ոգեշնչված հրաժեշտ տվեցին վետերաններին, ազատամարտիկներին՝ իրենց հետ տանելով բազում հուշեր: