Երբ Վերան ինձ նայում է այս հայացքով, ինձ թվում է իմ կյանքն է ուզում, երանի թե ես տառապեի իր փոխարեն. Երանի թե ոչ մի բալիկ չտառապեր, Երանի ..
Բնության առաջ բոլորն են հավասար ... այս աֆորիզմը հեռու է իրականությունից, համենայնդեպս առողջության հարցում ։ Ցավոք, հարյուր հազարավոր երեխաներ են ծնվում առողջական խնդիրներով, և դեռ մանկուց, մոր գրկում (իսկ շատ ավելի հաճախ՝ մանկատանը) սկսում իրենց դժվարին, կենաց-մահու անարդար պայքարը ։ Փոքրիկ Վերոնիկան բնության անարդարության ևս մեկ զոհն է դարձել. Բալիկը ծնվել է բնածին արատով, ունի մի քանի ծանր հիվանդություն , լսողության կորուստ, խոսքի բացակայություն, ցնցումներ, որ ամեն օր, ամեն րոպե սպանում են ուղեղի բջիջները ՝ էլ ավելի դժվար և անմարդկային դարձնելով նրա պայքարը ։ Վերոնիկայի մայրիկի ՝ Անիի հետ կարճ զրույց ունեցա, սակայն դա էլ բավարար էր հասկանալու, որ մայրիկը մի ամբողջ անսահման սիրող սիրտ ու կյանք է նվիրել իր բալիկի առողջ ապագայի համար ։ Անին, համեստ, ամաչկոտ, խելացի, ուժեղ մայր, ինչպես ինքն է նշում «Վերոնիկան ինձ ուժ է տալիս, նա ինձ սովորեցրեց ինքնուրույն ապրել, հասկացրեց, որ ես ուժեղ եմ, իմ միակ նպատակը նրան առողջ տեսնելն է ...» Անին պատմում է. -Ամեն ինչ այնքան լավ էր, սիրելի ամուսին, ընտանիք, գյուղի պարզ և խաղաղ կյանք, հրաշք բալիկի սպասումով օրեր։ Վերոնիկան էծնվեց պորտալարը վզին փաթաթված, և, չնայած դրան, բժիշկները վստահեցրեցին, որ երեխան լիովին առողջ է ծնվել։ Վերադարձանք տուն, սակայն երեխան մշտապես լալիս էր, ոչ մի կերպ չէի կարողանում հանգստացնել ։ Սիրտս վկայում էր, որ երեխան խնդիր ունի ։ Ութ ամսականում ոչինչ չէր կարողանում անել, նույնիսկ գլուխը չէր կարողանում պահել, առաջարկում էի հետազոտություններ անել, իսկ տանեցիները պնդում էին, որ դա նորմալ է ։ 1.6 տարեկանից սկսեցին ցնցումները ։ Երևանում բժիշկները հայտնաբերեցին էպիլեպսիա, երկկողմանի ծանրալսություն, միկրոսեֆալիա, ձախակողմյան հեմիպարեզ ։ Վերադարձանք գյուղ, բայց էլ ոչինչ առաջվանը չէր... Վերոնիկայի հայրիկի և ընտանիքի մասին Անին դժվարությամբ է խոսում, միայն ասում է. -Ես ընտրեցի երեխայիս, նրա հետ տեղափոխվեցի Երևան, բնակարան վարձեցի քրոջս հետ և սկսեցի պարապմունքները աղջկաս հետ ։ Ընդհամենը մի քանի ամիս անց Վերան սկսեց նստել ։ Դա կյանքիս ամենաերջանիկ պահերից էր, երբ աղջիկս ինձ ևս մեկ անգամ համոզեց, որ բոլոր զոհողությունները ծառայեցին իրենց նպատակին ։ Հինգ տարեկանում սկսեց քայլել, և դա աննկարագրելի էր ։ Ցավոք սրտի այնքան էի կենտրոնացել ֆիզիկական զարգացման վրա, որ չնկատեցի, թե ինչպես ցնցումները, որ բժիշկները ոչ մի կերպ չէին կարողանում դադարեցնել, ավելի խորացան ։ Ամեն առավոտյան, տեսնում եմ, թե ինչպես է Վերոնիկան քսան րոպե ցնցվում, գալարվում ցավերի մեջ, նայում եմ և մայրական սիրտս ամեն անգամ ցնցվում և գալարվում։ է իր հետ ... Անին խնդրում է բոլորիս, որ իրենց փոքրիկ, անօգնական ընտանիքին օգնության հասնենք, քանի որ ցնցումները շատ լուրջ են . Դրանք քայքայում են երեխայի ուղեղի առողջ բջիջները, և սպառնում երեխայի ոչ միայն ֆիզիկական ռեգրեսին, այլև կյանքին ։ Անին և Վերոնիկան գոյատևում են երեխայի հաշմանդամության թոշակով, չնայած դրան, Անին ամեն լուման հավաքում է, որպեսզի Վերոնիկան հնարավորություն ունենա բուժվելու Եվրոպայում Բարեկամներ, իսկապես ամեն լուման է կարևոր, փորձենք օգնել Վերոնիկային, թեթևացնելով իր ցավը Անիից խնդրեցի Վերոնիկայի նկարը և փաստաթղթերը օգտագործել, նկարը տրամադրելիս ասեց, Գիտեք, երբ Վերան ինձ նայում է այս հայացքով, ինձ թվում է իմ կյանքն է ուզում, երանի թե ես տառապեի իր փոխարեն. Երանի թե ոչ մի բալիկ չտառապեր, երանի.. 220098445160000 AMD Արտասահմանից կատարվող փոխանցումների համար/ EUR-ով փոխանցումների համար՝ Correspondent bank: Beneficiary bank: Beneficiary name: Ani Mkhitaryan Correspondent bank: Beneficiary bank: Beneficiary name: Ani Mkhitaryan
Beneficiary name: Ani Mkhitaryan USD-ով փոխանցումների համար՝ Correspondent bank: Beneficiary bank: Beneficiary name: Ani Mkhitaryan RUR-ով փոխանցումների համար՝ Correspondent bank: Beneficiary bank: Beneficiary name: Ani Mkhitaryan |